فۆتۆ:
2021-06-29
566 جار خوێندراوەتەوە
سەرۆکێ دیوانا جڤاتا وەزیران ڕاگەهاند، رەوشا پێشمەرگەی هند خراب ژى نینە وەکى دهێتە بەحسکرن. دبێژیت ژى، "مەهانە بۆ وەزارەتا پێشمەرگە و لیوایێن هەڤبەش دوو ملیار و ٤٠٠ ملیۆن دینار وەک نەسریە ددەینێ".
ئومێد سەباح، سەرۆکێ دیوانا جڤاتا وەزیران ل پەرلەمانێ کوردستانێ ڕاگەهاند، مەهانە بۆ وەزارەتا پێشمەرگەى و لیوایێن هەڤبەش دوو ملیار و ٤٠٠ ملیۆن دینار وەک نەسریە ددەنیێ.
دبێژیت ژی، ژبلى دابینکرنا مەزاختیان، هەر ئێک ژ یەکێن ٧٠ێ و ٨٠ێ مەهانە زێدەترى دوو ملیار دیناران وەردگرن.
ئاماژە ب وێیەکێ کر، هەرئێک ژ هێزێن زێرەڤانى و هەوارهاتنێ بەشا خۆ هەیە و مەهاندە ددەنیێ.
ئومێد سەباح دیار ژى کر، وان رەوشا پێشمەرگەى ژ کارێن خۆ یێن دەستپێکێ داناینە و بۆ ڤێ مەرەمێ ژى مەهانە ١٨ ملیار نەسریە ددەنە دەزگەهێن ئەولەهیێ ژ پێشمەرگەى بۆ ئاسایش و جڤاتا ئاسایش و ئەوێن دى ژى.
بەحسا وێییەکێ ژى کر، کو زێدەتر ژ نیڤەک کارێن دەستپێکى یێن حکومەتێ بۆ هێزێن پێشمەرگەى دهێنە مەزاختن.
رۆژا دووشەمبى جڤینا پەرلەمانێ کوردستانێ ب ئامادەبوونا چەند وەزیرێن حکومەتا هەرێمێ بڕێڤەچوو تێدا دەربارەى دیارکرن و گۆتۆبێژکرنا (چەوانیا تژیکرنا کورتئینانا موچەى و سەدەمێن جێبەجێنەبوونا یاسایا چاکسازى و یاسایا بودجەیا عێراقێ و کێموکاسیێن دەرازینکێن سنورى و داهاتێ پەتڕۆلێ و داهاتێ ناڤخۆ) و چەند بڕگە و پێشنیارێن یاسایان و پرۆژە یاسایان گۆتۆبێژ لسەر هاتەکرن.
د.ش