فۆتۆ:
2021-06-29
563 جار خوێندراوەتەوە
سکرتێرێ جڤاتا وەزیران دبێژیت دەینێن لسەر هەرێمێ زێدەبووینە و تەڤایا دەینێن لسەر هەرێمێ گەهشتینە (٣١ملیار) دۆلاران، ب ڤێ ژى د سالەکێ دا دەینێن لسەر هەرێمێ سێ ملیارێن دى زێدەکریە.
ئامانج رەحیمى سکرتێرێ جڤاتا وەزیران ددەما پشکداری د رووینشتنا رۆژا دووشەمبی یا پەرلەمانێ کوردستانێ ڕاگەهاند، "تەڤایا دەینێن هەرێما کوردستانێ دمەها ٣ێ یا ٢٠٢٠ێ دا ٢٨ ملیار و ٤٧٥ ملیۆن و ٦٧٥ هزار دۆلار بوون، لێ دمەها ٣ێ یا ٢٠٢١ێ گەهشتینە ٣١ ملیار و ٦٣٧ ملیۆن دۆلار".
سکرتێرێ جڤاتا وەزیرێن هەرێما کوردستانێ بەحسا وێیەکێ کر، "حکومەتا هەرێما کوردستانێ دەین نەکرینە، لێ پارێ پێشەکى ژ کۆمپانیێن پەتڕۆلێ وەرگرتیە، بەشەک دى ژى پێکهاتینە ژ موچەیێ پاشکەفتیێ موچەخۆران".
بەشەک ژ زێدەبوونا دەینان ژى ب گوتنا ئامانج رەحیم ڤەدگێرینیت بۆ داکەتنا بهایێ دینارى ل هەمبەرى دۆلارى، بەشەکێ دى یێ دەینان ژى پێکهاتیە ژ "١٢ ملیار دۆلاران کو پارەیێ پاشکەفتێ موچەخۆرانە".
رۆژا دووشەمبى جڤینا پەرلەمانێ کوردستانێ ب ئامادەبوونا چەند وەزیرێن حکومەتا هەرێمێ بڕێڤەچوو تێدا دەربارەى دیارکرن و گۆتۆبێژکرنا (چەوانیا تژیکرنا کورتئینانا موچەى و سەدەمێن جێبەجێنەبوونا یاسایا چاکسازى و یاسایا بودجەیا عێراقێ و کێموکاسیێن دەرازینکێن سنورى و داهاتێ پەتڕۆلێ و داهاتێ ناڤخۆ) و چەند بڕگە و پێشنیارێن یاسایان و پرۆژە یاسایان گۆتۆبێژ لسەر هاتەکرن.
د.ش