فۆتۆ:
2021-06-28
407 جار خوێندراوەتەوە
وەزارەتا ساخلەمیا هەرێمێ د پرۆژێ هەڤبەشێ کۆمکرنا زانیاریان دگەل رێکخراوا ساخلەمیا جیهانى پرۆژێ داتایا سیستەمێ ساخلەمی یێ کوردستانێ خستەکارى.
ئەڤرۆ دووشەمبى، د رێورەسمێن خستنا سەر کارى یا پرۆژەیى، سامان بەرزنجى وەزیرێ ساخلەمیا حکومەتا هەرێمێ ڕاگەهاند، بۆ جارا ئێکێ یە دەستبکاربوونا سیستەمێ داتایێن ساخلەمیێ لسەر ئاستێ عێراق و وەلاتێن دەوروبەر بهێتە کاراکرن، دێ هاریکاریا نەخۆشان کەت هەیا کو بزانیت دێ سەرەدانا چ بنگەهێ ساخلەمیێ کەت و د وى بنگەهى دا بچیتە چ بەشەکى.
سامان بەرزنجى ئاماژە ب وێیەکێ کر، ددەما قوناغا تاقیکرنا ڤى سیستەمى دا، ئێک ملیۆن و ٢٥٠ هزار نەخۆش تۆمارکرینە و دنها دا ٦٠ نەخۆشخانە ل کوردستانێ خستنە دناڤ سیستەمى داتایا ساخلەمیێ، ٢٨ نەخۆشخانە و بگەهێن ساخلەمیێ یێن دى ژى ئامادەکری نە ژبۆ کو وان ژى بێخنە دناڤ وى سیستەمى دا، هەڤدەم زێدەتر ژ ١٥٠ کارمەند د راهێنانێ دانە ژبۆ کو بشێن کار ب وى سیستەمى بکەن.
وەزیرێ ساخلەمیا حکومەتا هەرێمێ دیار ژى کر، "ئەو سیستەمە دێ هاریکاریا حکومەت و وەلاتیان کەت ژ پێشکێشکرنا خزمەتگوزاریێن ساخلەمى، بەلاڤکرنا هشیاریا ساخلەمى و دانا هژمارەکا تایبەت ب وەلاتیان هەیا کو ددەما پێدڤى دا بزانن سەرەدانا کیژ بنگەهێ ساخلەمى و کیژ بەشا وى بنگەهى بکەن".
ل سالا ٢٠١٥ێ ژى دا، وەلاتێ ئیتالیا و حکومەتا هەرێما کوردستانێ لێکتێگەهشتنەکا هەڤبەش بۆ دروستکرن و دەستپێکرنا سیستەمەکێ ساخلەمی ئیمزاکر؛ کو ل سالا ٢٠١٨ێ خستە بیاڤێ جێبەجێکرنێ.
د.ش