فۆتۆ:
2021-06-28
287 جار خوێندراوەتەوە
ژ ئەنجاما توپبارانکرنا ئارتێشا تورکیا بۆ دەردورێن گوندێ هرورێ ل دەڤەرا بەرواری بالا ل سنورێ ناحیا کانی ماسێ کارەبا وی گوندی هاتیە قوتکرن.
نوچەگەهانێ ئێن ئاڕ تی ل ئامێدیێ دادیارکرن، نێزیک دەمژمێر حەفت توبخانەیێن ئارتێشا تورکیا نێزیکى پێنچ توپ ئاڕاستەی دەردورا گوندێ هرورێ کرن و ب وێ سەدەمێ کارەبا گشتی یا وی گوندی هاتیە قوتکرن
نوچەگەهانێ ئێن ئاڕ تی ئاماژە ب وێیەکێ کر، دنهادا ژبەر مەترسیا چوونا وێ دەڤەرێ تیمێن سەخبێریا کارەبێ هەیا نها نەشیانە کارێ خو ئەنجامب دەن.
ئەڤە د دەمەکى دایە، بەریا دوو رۆژە ل نێزیک دەمژمێر ١٢ی شەڤێ بالەفڕێن کوپتەر یێن تورکیا ب دژواری تەقە ل دەردورێن گوندێ هرورێ کربوو و دئەنجام دا ئاگر ب دارستانا وێ دەڤەرێ کەفتبوو و ترسەکا مەزن ژی ل دەڤ گوندنشینان پەیداکر و بڤێ یەکێ د فێ حەفتیێ دا ئەڤىە دووەم جارە گوندێ ناڤ هاتى دهێتە تۆپبارانکرن .
د.ش