فۆتۆ:
2021-06-28
417 جار خوێندراوەتەوە
ئەندامەکا لژنەیا خاندنا بلند و ڤەکۆلینێن زانستى ل پەرلەمانێ کوردستانێ ڕاگەهاند، پشتى کو بۆ وان دیار بووی ئاستێ زانستى ل بەشەک ژ زانکۆیێن تایبەت وەکى پێدڤى نینە، دنها دا مژولى ئامادەکرنا ڕەشنڤیسا هەموارا زانکۆیێن تایبەتە.
گولستان باقى ئەنداما لژنەیا خاندنا بلند و ڤەکولینێن زانستى ل پەرلەمانێ کوردستانێ بۆ ڕۆپەلا فەرمى یا پارتى بەحسا وێیەکێ کر، پشتى دویڤچوونا وان بۆ ئاستێ خاندنێ ل زانکویێن حکومى و تایبەت ل هەرێما کوردستانێ، دنها دا بڕیار دایەکو یاسایا زانکۆیێن تایبەت بهێتە هەموارکرن.
وێ ئەنداما لژنەیا خاندنا بلند دیار ژى کر، هەموارکرنا وێ یاسایێ ب ئاوایەکێ گشتى گۆهۆرنە ل بەشەک ژ برگان و خالێن یاسایێن کەڤن، زێدەکرنال هندەک بڕگە و خالێن نوى، هەڤدەم بابەتێ وەرگرتنا قوتابیان ل زانکۆ و پەیمانگەهان و ئەو ئاریشەیێن د سالێن دەربازبووى دا دووبارە بووینە، جهێ وان دێ هێتەڤەکرن و چارەسەریا پێدڤى دێ بۆ هێتەکرن.
دەربارەى گۆهۆرینێ، دى د وێ یاسایێ دا، گولستان باقى ئاماژە ب وێیەکێ ژى کر، ئەنجامدانا گۆهۆرینان د پۆستێ سەرۆکێن زانکۆیان ل هەرێما کوردستانێ، بەشەکێ دی یە ژ هەموارکرنا وێ یاسایێ، بۆ نموونە سەرۆکێ زانکۆیێ هەیە دەما ١٠ سالانە د پۆست ێخۆ دا مایە.
هەمى سالان دگەل دەستپێکرنا وەرزێ نوى یێ خاندنێ، هژمارەکا بەرچاڤ ژ خۆێندکارێن هەرێما کوردستانێ بەرەڤ زانکۆ و پەیمانگەهێن تایبەت فە دچن، کو ٤٩ زانکۆ و پەیمانگەه ل هەرێما کوردستانێ هەنە و ١٦ زانکۆ و پەیمانگەهێن حکومى، و ١٩ زانکۆ و ١٤ پەیمانگەهـ تایبەتن.
د.ش