فۆتۆ:
2021-06-28
380 جار خوێندراوەتەوە
کەسوکارێن سزادایێن بەهدینان، "ئەم سەربلندین ب کەسوکارێن خۆ و دەستا ناداهێلین هەیا بهێنە ئازادکرن".
دکونگرەکێ رۆژنامەڤانى دا کەسوکارێن سزادایێن بەهدینان ڕاگەهاند، "هەیا نها نەیا دیارەى کا لسەر چ هاتینە سزادان، ژبەرکو ل دەستپێکێ ب تاوانا کارکرن بۆ پەکەکێ، پاشى بزاڤا پەقاندنا کۆنسۆلخانە و سازیێن حکومى داینە، پاشی کار بوو کۆنسولخانەیا کرینە، دوهى دیار بوو کو ڤان کار بۆ کۆنسۆلخانەیان ژى نەکریە ئەرێ ئەگەر ئەڤ کارە هەمى نە کربن بۆچى هاتنە سزادان".
کەسوکارێن سزادایێن بەهدینان ئانماژە ب وێەکێ ژى دکەن، "ئەم سەربلندین و دەستا ناداهێلین هەتا بهێنە ئازادکرن، هەر گرتیەکێ پشتى ڤانان بهێتە گرتن ژى دێ مە هەمان هەلویست هەبیت".
دیار ژى کر، ئەڤ کەیسە پتر سیاسیە ژ کو کەیسەکا یاسایی بیت، جهێ پسیارێ یە چەوا چێدبیت نیازا کەسەکێ ئەوبیت کۆنسۆلخانەیان پەقینیت د هەمان دەم دا سیخۆریێ بۆ بکەت کو ئەڤە دوورى لۆژیک و بنەمایێن یاسایی یە.
کەسوکارێن سزادایێن بەهدینان گوتن ژى، "داخازێ ژ سەرۆکێ هەرێما کوردستانێ دکەین کو پێداچوونێ د ڤێ کەیسێ دا بکەت و د دەسهەلاتێن وى دانە بڕیارا لێبوورینێ بۆ ڤان بێ گۆنەهان دەربکەت".
دوهى، دادگەها پێداچوونا هەرێمێ بڕیار دا ب جێبەجێکرنا سزایێ شەش سال زیندانکرن بۆ دەستەسەرکریێن بەهدینان و ب ڤێ ژى تەڤایا تانان هاتنە رەتکرن کو ئاڕاستەیێن وێ دۆسەیێ ڤەکربوون.
ئەڤە ژی ددەمەکی دایە، زێدەتری حەفت مەهانە چەند رۆژنامەڤان و چالاکڤانێن سڤیل ل بادینان دەستبسەرکرینە، ل ١٦ی مەها سباتا ئەڤ سالە ژی دا ل دادگەها تاوانێن هەولێرێ دادگەهکرنا پێنج ژ وانا برێڤەچوو و تێدا لدیڤ هەردوو ماددەیێن ئێک یێن ژمارا ٢١ یا سالا ٢٠٠٣ێ ب بزاڤکرن بۆ تێکدانا ئاسایشا نەتەوەی سزایێ شەش سالێن زیندانکرنێ بسەر وان دا سەپاند.
ئەوێ بڕیارا دەربارەی دەستەسەرکریێن بەهدینان، نەرازیبوونا رێکخراوێن ناڤدەولەتی و بەشەک ژ پەرلەمانتاران لدیڤ خۆ ئینایە و وەلاتێن دەرڤەژی نەرازیبوون دەربارەی سەپاندنا سزایێ شەش سالێن زیندانکرنێ بسەر وان چالاکڤان دەربڕیە.
د.ش