فۆتۆ:
2021-06-28
458 جار خوێندراوەتەوە
ل پارێزگەها دهۆکێ ٢٤ هزار خانەنشین هەنە و ڕێڤەبەرێ خانەنشینێن دهۆکێ دبێژیت پارڤەکرنا موچەیێ خانەنشینێن سنورێ پارێزگەها دهۆکێ دێ ب رێیا کارتێ موچەیێن خۆ وەرگرن.
ئاراس محەمەد، ڕێڤەبەرێ خانەنشینێن دهۆکێ بۆ رۆپەلێ پارتی ڕاگەهاند، "ل سنورێ پارێزگەها دهۆکێ نێزیکی ٢٤ هزار خانەنشینان هەنە و گەلەک جاران بسەدەمێ پارڤەکرنا موچەیێ خانەنشینان قەرەبالغیەکا زێدە دروستدبیت، لێ مە پلانەک هەیە بۆ وێیەکێ پارڤەکرنا موچەیێ خانە نشینان ب سیستەمەکێ نوی بیت".
ڕێڤەبەرێ خانەنشینێن دهۆکێ دبێژیت، "پلالنا مە ئەوە سیستەمێ پارڤەکرنا موچەیێ خانەنشینان ب رەنگێ ئەلکترۆنی بیت و بکەینە کارت، ئانکو ئەو کارتا د پلانا مەدا هەی نە بتنێ بۆ وەرگرتنا موچەیێ خانەنشینان دێ هێتە بکار ئینان، بەلکو دکاریت د بازاران داژی وێ کارتێ بکار بینن".
ئاماژە ب وێیەکێ ژی کریە، "سیستەمکرنا موچەیێ خانەنشینان پێنگاڤەکا گرنگە، ژبەرکو ل هەمی هەرێما کوردستانێ بسەدەمێ بارگرانیا لسەر هندەک بانکان ئاستەنگ بۆ موچەیێن خانەنشینی دروستدبن، لێ پشتی کەفتنەکاری یا سیستەمێ نوی یێ کو ئەم مژیلی کارکرنێینە، ئاسانکاریێن زێدە د پارڤەکرنا موچەیێ خانەنشیناندا دێ هێتە کرن".
هـ.ئـ