فۆتۆ:
2021-06-28
332 جار خوێندراوەتەوە
ل گورەی زانیاریێن نووچەگەهانێ ئێن ئاڕ تی ئەو گەنجێ دوو رۆژان بەریا نها ل باژێرێ کەرکوکێ ل پێشیا مالا خۆشتڤیا خۆ ئاگر بەردایە خۆ، دەمژمێر ٧ی سپێدێ ژیانا خۆ ژ دەستدا و تەرمی وی رەوانەی نوژداریا داد ل نەخۆشخانەیا ئازادی کر.
ئەڤرۆ دوو شەمبی، سۆران محمەد نووچەگەهانێ ئێن ئاڕ تی ل کەرکوکێ ڕاگەهاند، ژیێ وی گەنجی ٢٦ سالن و پشتی سێ جاران دچیتە خازگینیێن وێ کچێ، لێ رەتدکەن وێ کچێ بدەنێ، وی ژی ل پێشیا مالا خۆشتڤیا خۆ ئاگری بەردا خۆ.
ئەڤە ددەمەکیدایە، رۆژا شەمبی ٢٦ مەها حوزەیرانێ ژێدەرەکی ژ پۆلیسێن کەرکوکێ بۆ ئێن ئاڕ تی ڕاگەهاند، گەنجەک ب ناڤێ (ع، ر، ج) و د ژیێ ٢٦ سالی دایە، پشتی چەند جاران چوویە خازگینیێن خوشتڤیا خۆ، لێ نەدایێ، وی ژی ل پێشیا مالا خۆشتڤیا خۆ پەنزین ب خۆدا کر و ئاگر بەردا خۆ، بەحسا وێیەکێ ژی کریە، روویدان ل گەرەکا قادسیە یا کەرکوکێ روویدایە.
وی ژێدەری ژی بۆ ئێن ئاڕ تی بەحسا وێیەکێ کربوو، ئەو گەنجە ب رێژەیا ٦٠% شەوتی بوو.
هـ.ئـ