فۆتۆ:
2021-06-28
94 جار خوێندراوەتەوە
سەرۆکا نڤیسینگەها کەنەدا ل هەولێرێ ڕاگەهاند، "بڕیارا دوهی یا دادگەها پێداچوونا هەولێرێ دەربارەی پەسەندکرنا سزایێ شەش سالێن زیندانکرنا چالاکڤانێن بەهدینان ئەم بێ هیڤی کرن".
ئەڤرۆ دووشەمبی، ئاشلی دیورک سەرۆکا نڤیسینگەها کەنەدا ل هەولێرێ دتویتێ خۆدا بەلاڤکریە، "ئەم بێ هیڤی بووین دگەل بڕیارا دادگەها پێداچوونا هەرێمێ دەربارەی پەسەندکرنا زیندانکرنا شێروان شیروانی، شڤان سەعید، ئەیاز کەرەم، هاریوان عیسا و گوهدار زێباری".
دبێژیت ژی، "رێگری نەکرن ل رۆژنامەڤانان نیشانا جڤاکەکێ ڤەکری و گەشە".
دوهی دادگەها پێداچوونا هەرێمێ بڕیار لسەر جێبەجێکرنا سزایێ شەش سالێن زیندانکرنێ بۆ دەستەسەرکریێن بادینان و بڤێ ژی هەمی ئەو تانەیێن ل بڕیارا دادگەهێ دای ڕەتکرن.
ل رۆژا ٦ی مەها ٥یا دەربازبووی، سەرۆکایەتیا دادگەها پێداچوونا هەرێمێ بریارا دادگەها تاوانێن هەولێرێ ب سزایێ شەش سالێن زیندانکرنێ بۆ پێنج رۆژنامەڤان و چالاکڤانێن بەهدینان پەسەندکر.
ژبەریا نها ژى لسەر پرسا دەستەسەرکرنا وان چالاکڤان و رۆژنامەڤانێن بەهدینان، هەر ئێک ژ کۆنسۆلخانەیێن ئەمریکا، بەریتانیا، ئەلمانیا، کەنەدا و فەرەنسا دلگرانیا خۆ لسەر دەستەسەرکرنا وان دەربڕی و هەڤدەم، پشتەڤانیا خۆ بۆ ئازادیا رادەربرین و دەملدەست داخازا ئازادیا وان ژ زیندانێ تەکەز کریە.
پشتی بڕیارا دادگەها پێداچوونا هەرێمێ، مارتن هوز بالیۆزێ یەکێتیا ئەورۆپا ل عێراقێ دتویتەکێ دا ڕاگەهاند، "ئەو بڕیارا ئەڤرۆ ژ ئالیێ دادگەها هەولێرێ ڤە دەرکەتی و تەکەز لسەر وێیەکێ کری کو ئەو پێنج رۆژنامەڤان و چالاکڤانە شەش سالان بهێنە زیندانیکرن، کو ل مەها پێنج هاتبوونە دەستەسەرکرن، زێدەباری وان ئیجرائاتێن نەڕاست و نەساخلەم کو لهەمبەر وان هاتبوونەکرن ژ ئالیێ نەتەوەیێن هەڤگرتی ڤە ئاماژە پێ هاتیەکرن".
ئەو ژی هاتبوو، "مافێ ڕادەربڕین و مافێ رۆژنامەڤانی و دادگەها سەربەخۆ؛ ئێکە ژ مافێن دەستپێکی یێن دیموکراتان".
ئەڤە ژی ددەمەکی دایە، زێدەتری حەفت مەهانە چەند رۆژنامەڤان و چالاکڤانێن سڤیل ل بادینان دەستبسەرکرینە، ل ١٦ی مەها سباتا ئەڤ سالە ژی دا ل دادگەها تاوانێن هەولێرێ دادگەهکرنا پێنج ژ وانا برێڤەچوو و تێدا لدیڤ هەردوو ماددەیێن ئێک یێن ژمارا ٢١ یا سالا ٢٠٠٣ێ ب بزاڤکرن بۆ تێکدانا ئاسایشا نەتەوەی سزایێ شەش سالێن زیندانکرنێ بسەر وان دا سەپاند.
ئەوێ بڕیارا دەربارەی دستەسەرکرنیێن بادینان، نەرازیبوونا رێکخراوێن ناڤدەولەتی و بەشەک ژ پەرلەمانتاران لدیڤ خۆ ئینایە و وەلاتێن دەرڤەژی نەرازیبوون دەربارەی سەپاندنا سزایێ شەش سالێن زیندانکرنێ بسەر وان چالاکڤان دەربڕیە.
و.ح