فۆتۆ:
2021-06-28
384 جار خوێندراوەتەوە
ب گوتنا زانیاریێن نووچەگەهانێ ئێن ئاڕ تی زێرەڤانێن پەرلەمانی مۆبایلێن هەر ئێک ژ پەرلەمانتاران شایان عەسکەر و شیرین ئەمین ل فراگسیۆنا گۆران ژێ وەرگرتینە.
ب گوتنا زانیاریێن نووچەگەهانێ ئێن ئاڕ تی، شیرین ئەمین ب ژڤانبوو پێلاڤێن خۆ بگریتە سەرۆکاتیا پەرلەمانی.
ئەڤرۆ دوو شەمبێ، ل دەمێ بڕێڤەچوونا رووینشتنا پەرلەمانی شیرین ئەمین پەرلەمانتارا فراکسیۆنا گۆڕان ب ژڤانبوو هەڤشێوەیێ کازم فارۆقێ سەرۆکێ فراکسۆنا نەوەی نوێ پێلاڤێن خۆ بگریتە سەرۆکاتیا پەرلەمانی، لێ شیرین یونس پەرلەمانتارا فراکسیۆنا ئێکەتیێ هێرش کرە سەر و پێلاڤ ژێ وەرگرتن و رێک نەدا وی کاری بکەت.
نووچەگەهانێ ئێن ئاڕ تی ئاماژە ب وێیەکێ کریە، شیرین ئەمین داخازکریە مۆبایلا وێ بدەنەڤێ، لێ ژ ئالیێ پۆلیسێن دناڤ پەرلەمانی دا دەستبسەردا گرت و نەداڤێ.
هەلز ئەحمەد ئەنداما پەرلەمانێ کوردستانێ ل فراکسیۆنا یەکگرتوو بۆ ئێن ئاڕ تی ڕاگەهاند، ئەڤرۆ حکومەتێ ئیمزایێن ٥٦ پەرلەمانتاران پشتگوهـ ئێخستینە کو داخازکربوو دەربارەی لێبڕینا موچەی گۆتۆبێژ بهێنە کرن.
ئاماژە ب وێیەکێ ژی کریە، د دەستپێکا رووینشتنێ دا هێزەکا زێدە ئینایە دناڤا پەرلەمانی دا.
وێ ئەنداما فراکسیۆنا یەکگرتوو ئەوژی دیارکر، دەمێ هێرشی شایان عەسکەر کری ئەز چووم دا رێگریێ لێ بکەم، لێ بەرپرسەکێ زێرەڤانان هێرشکرە سەر من و مۆبایلا من ژ من ستاند، ئەزژی چووم دا ژێ وەربگرم.
دبێژیت ژی، لێ ب رەنگەکی پلان بۆ هاتیە دانان ١٠ بۆ ١٥ کەس هاتن و ئەز ل جهێ من راگرتم دا نکارم بچم داخازا موبایلا خۆ بکەم وی کەسی ژی مۆبایلا من برە خارێ بۆ جهەکێ دی دا بشکێنیت.
هەلز ئەحمەد بەحسا وێیەکێ کر، زێرەڤان هاتنە ناڤ هۆلا پەرلەمانی، ئەڤە ژی دووەم جارە زێرەڤان دهێنە ناڤ هۆلا پەرلەمانی. دەمێ هاتین هێرشی شایان عەسکەر کر.
ئەڤە ددەمەکیدایە، ئەڤرۆ زێرەڤانێن پەرلەمانی رێک نەدا کازم فاروق سەرۆکێ فراکسیۆنا نەوەی نوێ بۆ جارا هەشتێ بچیتە دناڤ هۆلا پەرلەمانی دا و ئامادەی رووینشتنا ئەڤرۆ یا پەرلەمانی ببیت.
هـ.ئـ