فۆتۆ:
2021-06-28
407 جار خوێندراوەتەوە
پەرلەمانتارەکێ نەوە نوێ د روینشتنا پەرلەمانی دا دبێژت مە داخاز کر روینشتنەکا تایبەت بۆ لێڕینا موچەی بهێتە ئەنجامدان و د وێ روینشتنێ دا بڕیارێ لسەر لادانا لێبڕینا موچەی بهێتە دان نە بتنێ گۆتۆبێژ بهێنە کرن.
سیپان ئامێدی ئەندامێ پەرلەمانێ کوردستانێ لسەر فڕاکسیۆنا نەوەی نوێ د روینشتنا ئەڤرۆ یا پەرلەمانی دا ڕاگەهاند، ل گورەی هژمارا یاسایی یا پەرلەمانتاران، مە داخاز کر روینشتنەکا تایبەت ب لێڕینا موچەی بهێتە ئەنجامدان، لێ ب مخابنیڤە ب چ رەنگان هەوە بەحسا لێبڕینا موچەی نەکریە.
ئاماژە ب وێیەکێ ژی کر، کو پەرلەمانێ کوردستانێ، ل شوینا بەحسا لادانا لێبڕینێ بکەن بەحسێ کورتهێنانێ کریە، دبێژت ژی، "ئەز نزانم هەوە ئەڤ کورتهێنانە ژ کیڤە ئینایە و ددەمەکیدا بهایێ پەتڕۆلێ بلندبوویە و داهاتێ ناڤخۆ ژی زێدەبوویە" لێ ب مخابنیڤە پەرلەمانێ کوردستانێ نکاری لسەر پرسا لێبڕینا موچەی روینشتنێ ئەنجامبدەت.
بەحسا وێیەکێ ژی کر، ئەوا مە ئیمزا لسەر کری کو روینشتن لسەر لادانا لێبڕینا موچەی بهێتە کرن، نە بتنێ گۆتۆبێژان لسەر بکەن، بەلکو پەرلەمان بڕیارێ لسەر بدەت کو بهێتە لادان، خەلکێ هەرێما کوردستانێ چاڤەڕێی وێیەکێ یە پەرلەمان بڕیارێ بدەت نە بتنێ گۆتۆبێژ لسەر بهێنە کرن.
ئەڤە ددەمەکیدایە، پشتی رێگریکرنێ بۆ جارا هەشتێ ل چوونا وی بۆ ناڤ پەرلەمانێ کوردستانێ، سەرۆکێ فڕاکسیۆنا نەوەی نوێ ل پێشیا پەرلەمانی ڕاگەهاند، تاکە سەدەم بۆ رێگریکرنێ ل نەوەی نوێ ئەوە کو نەوەی نوێ خۆ ڕادەستێ یەکێتی و پارتی ناکەت. دبێژیت، پێتڤیە سەرۆکایەتیا پەرلەمانی داخازا لێبۆرینێ ژ خەلکی بکەت.
هـ.ئـ