فۆتۆ:
2021-06-28
1818 جار خوێندراوەتەوە
ل گورەی ڕاگەهاندنا وەزارەتا دارایی سوبەهی سێ شەمبێ موچەیێ وەزارەتا ناڤخۆ و ڕێڤەبەریا رەگەزنامێ دێ هێتە پارڤەکرن دێ هێتە پارڤەکرن. پارڤەکرن ژی دێ ب لێبڕینا ٢١% بیت.
ل گورەی ڕاگەهاندنەکا وەزارەتا دارایی و ئابوریا حکومەتا هەرێمێ: "سوبەهی سێ شەمبێ موچەیێ وەزارەتا ناڤخۆ و ڕێڤەبەریا رەگەزنامێ دێ هێتە پارڤەکرن".
رۆژا چارشەمبێ موچەیێ هێزێن زێرەڤانی و بەرەڤانی و هەوارهاتن و لیوایێێن پەتڕۆلێ دێ هێتە پارڤەکرن.
ئەڤرۆ دوو شەمبێ موچەیێ هێزێن ٧٠ و ٨٠ و وەزارەتا دارایی ئابوری دێ هێتە پارڤەکرن.
ئەڤە ددەمەکدایە، موچە ب لێبڕینا ٢١% دهێتە پارڤەکرن کو بهایێ پەتڕۆلێ ب هەڤبەرکرن ب دوو سالێن دەربازبووی ب رەنگەکێ بەرچاڤ بلندبوویە و ٧٦ دۆلار دەربازکرینە.
حکومەتا هەرێما کوردستانێ بڕیاردابوو هەمی ٢٥ مەهەکێ موچە بهێتە پارڤەکرن، لێ مەها دەربازبووی پارڤەکرنا موچەی گیروبوو، لسەر وێیەکێ پەرلەمانتارێن پارتی و ئێکەتی بۆ نەڤەگەراندنا داهاتی و درەنگ پارڤەکرنا موچەی هەڤدوو توهمەتبار دکەن.
هـ.ئـ