فۆتۆ:
2021-06-28
341 جار خوێندراوەتەوە
پشتی رێگریکرنێ بۆ جارا هەشتێ ل چوونا وی بۆ ناڤ پەرلەمانێ کوردستانێ، سەرۆکێ فڕاکسیۆنا نەوەی نوێ ل پێشیا پەرلەمانی ڕاگەهاند، تاکە سەدەم بۆ رێگریکرنێ ل نەوەی نوێ ئەوە کو نەوەی نوێ خۆ ڕادەستێ یەکێتی و پارتی ناکەت. دبێژیت، پێتڤیە سەرۆکایەتیا پەرلەمانی داخازا لێبۆرینێ ژ خەلکی بکەت.
ئەڤرۆ دووشەمبێ، کازم فاروق سەرۆکێ فڕاکسیۆنا نەوەی نوێ ل پەرلەمانێ کوردستانێ دکۆنفڕانسەکێ رۆژنامەڤانیدا ڕاگەهاند، "ئەم داخازا لێبورینێ ژ خەلکەکێ ناکەین کو دزی ژ خەلکێ کربن و مووچەیێ خەلکی بڕیبیت".
ئاماژە ب وێیەکێ ژی کر، "ئەز نەوەکی کازم فاروق ل ڤێرەمە، ئەز نوینەرایەتیا ٢٠٠ هزار دەنگان دکەم".
دەربارەی داخازا لێبۆرین و رێگریکرنێ ل چوونا سەرۆکێ فڕاکسیۆنا نەوەی نوێ بەحسا وێیەکێ کر، "ئەگەر سەرۆکا پەرلەمانی و جیگرێ وێ جورئەت هەنە ل رونشتنا داهاتی دا ئەو بخۆ بهێن و بێژنە من نە چە ژۆرڤە وی دەمی دێ ب گوتۆبێژان بێژمە وان کی ماف نینە بچیتە دژۆرڤە".
دەربارەی بەردەوامبوونێ ل پارڤەکرنا مووچەی ب لێبڕین ڤە کازم فاروق بەحسا وێیەکێ کر، بهایێ پەتڕۆلێ ب ئاوایەکێ بەرچاڤ بلندبوویە ب ڕەنگەکێ تێرا پارڤەکرنا دوو مووچەییان دکەت، لێ حکومەتێ ب لێبڕین ڤە مووچەیەک پارڤەکریە.
گوت ژێ، سەرۆکێ ڤەلڤینا نەوەی نوێ بەردەوامە لسەر موزایدە و تەحەدایان و نها ژی ل سلێمانیێ بەنزین ب ٥٠٠ دیناران دهێتە پارڤەکرن و ل شەقەلاوە ب ٥٨٠ دینارانە.
ل گۆرەی زانیاریێن نووچەگەهانێ ئێن ئاڕ تی، ژ ئالیێ هێزێن ئەولەکاریێ ڤە رێگری ل کازم فاروق هاتەکرن بچیتە دناڤ ئاڤاهیێ پەرلەمانێ کوردستانێ.
ل رۆژا ٣١ی ئادارێ، کازم فاروق سەرۆکێ فراکسیۆنا نەوەی نوێ ل پەرلەمانێ کوردستانێ جوتەکێ پێلاڤا گرتە دەستەیا سەرۆکایەتیا پەرلەمانی و سەدەما وێ ژی بۆ وێیەکێ ڤەگەراند پەرلەمان بەحسا بابەتەکێ دکەت پەیوەندی ب ئاریشە و ژیانا خەلکیڤە نینە.
پشتی وێ ژی ب دەنگێ ٧٣ پەرلەمانتارێن کوردستانێ ل فراکسیۆنێن پارتی و ئێکەتی و بەشەک ژ پەرلەمانتارێن گۆران و پێکهاتان دەنگ ل سەر وێیەکێ دا، کو سەرۆکێ فراکسیۆنا نەوەی نوێ نەشێت بەژداریا رونشتنێن پەرلەمانی بکەت، ئەگەر دەربارەی پێلاڤ گرتنا دەستەیا سەرۆکایەتیێ داخازا لێبورینێ نەکەت، هەڤدەم، رێواز فایەق سەرۆکا پەرلەمانی ژی گوتی، تا کازم فاروق داخازا لێبورینێ نەکەت رێک پێناهێتەدان بەژداریا رونشتنان بکەت.
ل ١٤ی مەها دەربازبووی ژی بۆ جارا دوویێ رێگری ل کازم فاروق هاتەکرن بەژداری روینشتنا پەرلەمانی بکەت، دەربارەی وێیەکێ، سەرۆکێ فراکسیۆنا نەوەی نوێ گوت، "ئەم داخازا لێبورینێ ناکەین و ئەوێ کو پێتڤی یە داخازا لێبورینێ بکەت سەرۆکێ حکومەتا هەرێمێ و جێگرێ ویە، کو مووچەیێ خەلکی بڕییە و گەنج بێکار کرینە".
کازم فاروق ئەوژی دیارکر، "پارتی و یێکەتی پێتڤی یە داخازا لێبورینێ ژ خەلکی بکەن، کو خودانێ ٣١ی تەباخێ و ١٦ی ئوکتۆبەرێ نە و شەری نافخۆ کریە و د نها دا ژی رێگری ل سەرۆکێ فراکسیۆنەکا ئۆپۆزسیۆن دکەن بچیتە پەرلەمانی، ب ڤێ یەکێ ژی دژایەتیا خەلک و دەنگێ خەلکی دکەن".
٢٧ی نیسانێ بۆ جارا پێنجێ رێگری ل کازم فاروق هاتەکرن و دبێژیت، "ئەوێ دزیێ ژ خەلکی بکەت و گەنجان دکوژیت زێرەڤانی دهێتەکرن، لێ رێگری ل مە دهێتەکرن".
ل ٥ی ڤێ مەهێ ژی، سەرۆکێ فراکسیۆنا نەوەی نوێ رێگری لێ هاتەکرن و گوتی، "دەستهەلاتێ دڤێت دناڤ پەرلەمانی دا گۆتوبێژێن جدی دروست نەبن، چونکی وەک نەوەی نوێ دێ دگەل خەلکێ دابین و د بێ هەلویست نابین".
و.ح