فۆتۆ:
2021-06-27
60 جار خوێندراوەتەوە
وەزارەتا ساخلەمیا هەرێما کوردستانێ د ڕاگەهاندنەکێ دا دیارکر،ل دەمێ ٢٤ دەمژمێرێن دەربازبووی، ٥١١ حالەتێن توشبوونێ ب کۆرۆنایێ تۆمارکرینە، هەڤدەم ٤٥٦ حالەت چارەسەر بووینە و هەشت حالەتێن ژیان ژدەستدانێ هاتینە تۆمارکرن.
لگورەى وێ ڕاگەهاندنێ، ژ ئنجامێ شەش هزار و ٧٥٧ پشکنینان، ٥١١ حالەتێن توشبوونێ هاتینە تۆمارکرن، هژمارا توشبوون ب کۆرۆنایێ، ب ڤی ئاواییە ل هەولێرێ ١٧٤ کەس، سلێمانی ٢٥٥ کەس، دهۆک ٣٩ کەس و ل گەرمیان ٣٦ و راپەرین پێنج و هەلەبجە دوو کەس ب توشبوون ب ڤایرۆسا کۆرۆنایێ هاتینە تۆمارکرن، ٤٥٦ کەس ژی ژ ڤایرۆسی چارەسەربووینە.
هەڤدەم، هەشت حالەتێن ژیان ژ دەستدانێ ب ڤایرۆسی هاتینە تۆمارکرن کو دوو حالەت ل پارێزگەها هەولێرێ، چار حالەت ل پارێزگەها دهۆکێ، ئێک حالەت ل گەرمیان و حالەتەک ژی ل راپەرین بوو.
ڕاگەهاند ژی، هژمارا توشبوون ب ڤایرۆسێ کۆرۆنایا نوی ل دەستپێکا بەلاڤبوونا ڤایرۆسی هەیا نها گەهشتیە ١٨٣ هزار و ٥٨٠ حالەت، ژ وێ هژمارێ ژی چار هزار و ٤٥٨ کەسان ژیانا خۆ ژ دەستدایە.
هـ.ئـ