فۆتۆ:
2021-06-27
806 جار خوێندراوەتەوە
دڕاگەهاندنەکێ دا هاتن چوونا پارێزگەها دهۆکێ لێبورین لسەر سزایێ وان شۆفیرێن ژبوی چوونا دەرڤەی وەلاتی تابلۆیێن ترۆمبێلێن خۆ گوهارتین و پشتی ڤەگەریانێ ڕادەست نەکرین و سزا کەتیە سەر تۆرمبێلێن وان ئەگەر ڕادەست بکەن سزا لسەر نامینیت.
ئازاد تاها رێڤەرێ ڕاگەهاندنا هاتن و چوونا پارێزگەها دهۆکێ دفەیسبووکێ خۆ دا ڕاگەهاند، لدیڤ بڕیارا وەزارەتا ناڤخۆیا هەرێما کوردستانێ رێڤەبەریا هاتن و چوونا پارێزگەها دهۆکێ هایداریا هەمی وان شۆفێران دکەت ئەوێن تابلۆیێن زراڤ ب پیتێن لاتینی دروستکرین بۆ مەرەما چوونا دەرڤەی وەلاتی پشتی ڤەگەریانێ ڕادەست نەکرین و سزا کەتیە سەر ترۆمبێلێن وان سزا لسەر هاتە ڕاکرن ئەگەر تابلۆیان ڕادەست بکەن.
ئاماژە ب وێیەکێ ژی دکەت، لدیڤ بڕیارا وەزارەتا ناڤخۆ لێبورینا گشتی لسەر سزایان دێ هێتە بکارئینان بۆ ڕادەستکرنا تابلۆیان هەیا رۆژا ٣٠ی ٦ی ٢٠٢١ێ و بەروڤاژی هەردەما ژ وێ بەروارێ دەربازبوو و کەفتە رۆژا ١ی ٧ی ٢٠٢١ێ هەر کەسێ تابلۆ ڕادەست نەکری سزا دێ مینیتە سەر ترۆمبێلێن وی.
ئەڤە د دەمەکی دایە، ل گۆرەی رێکارێن رێڤەبەریا هاتن و چوونا پارێزگەها دهۆکێ هەرکەسێ ب ترۆمبێلا خۆ گەشتێ بکەت بۆ دەرڤەی وەلاتی تابلۆیا ترۆمبێلا خۆ دگوهۆریت و پشتی ڤەگەریانێ پێتڤیە ڕادەستی رێڤەبەریێ بکەت بەروڤاژی دێ رووبروویێ سزادانێ بیت.
و.ح