فۆتۆ:
2021-06-27
414 جار خوێندراوەتەوە
بەرپرسێ بەشا ڕاگەهاندنێ ل ساخلەمیا کۆیە ڕاگەهاند، گەنجەکێ د ژیێ ٢٦ سالیێ دا پشتى کو بەنزین کریە ترۆمبێلا خۆ و ب وێ سەدەمێ ئاگربەربوو ترۆمبێلا وى و شەوتى، ئەڤرۆ ژیانا خۆ ژ دەستا دا.
هاوکار عەلى بەرپرسێ بەشا ڕاگەهاندنێ ل ساخلەمیا کۆیە بۆ ئێن ئاڕ تى بەحسا وێیەکێ کر، ئەو گەنجە ددەما بەنزینێ دکەتە ترۆمبێلا خۆ دیاربوو کو جگارە ددەست دابوو، ژبەر وێ چەندێ ئاگر بەربوویێ و ب وێ سەدەمێ شەوتیە.
ناڤێ وى گەنجى بێجان سالارە و ژدایک بوویێ ١٩٩٦ێ یە و گەنجەکێ باژێرێ کۆیە یە و ئاکنجیێ وەلاتێ بەریتانیانە و ئیقامەیا وى وەلاتى هەیە، بۆ دەما چەند رۆژە ڤەگەریایە کۆیە و بریاربوو رۆژا سێشەمبا دەربازبووى ڤەگەریابا بەریتانیا ڤە، لێ ب سەدەما ئاگرى شەوتیە و ئەڤرۆ ژیانا خۆ ژ دەست دایە.
هاوکار عەلى دیار ژى کر، پشتى شەوتینا وى گەنجى رەوانەی نەخۆشخانەیا هەولێرێ دکەن و پاشى ڤەدگەریننە کویە ڤە و ئەڤرۆ ژى بۆ چارەسەریێ چوویە نەخۆشخانێ، لێ ژبەریا بگەهینن نەخۆشخانێ ژیانا خۆ ژدەست دا.
خالید محەمەد، کۆیە
د.ش
