فۆتۆ:
2021-06-27
301 جار خوێندراوەتەوە
دەقێ بڕیارا دادگەها پێداچوونێ یا هەولێرێ بۆ سزادایێن بەهدینان هاتە ڕاگەهاندن کو تێدا ناڤێ هەر ئێک ژ دادوەرێن پێداچوونێ و پارێزەرێن کەیسێ و ناڤێ هەر پێنج سزادایان لسەرە.
هەڤدەم، دەمێ سزادانێ، ماددێن پێ هاتینە سزادان و ئاماژە ب بەلگەیان ژی تێدا هاتیە کرن.
ئەڤرۆ د کۆنفرانسەکێ رۆژنامەڤانى دا پارێزەرێن سزادایێن بەهدینان لسەر داوی بڕیارا دادگەهێ و تانەیێن وان ڕاگەهاند، "ئەو سزایێ بسەر گرتیێن بەهدینان دا هاتیە جێبەجێکرن زولمەکا مەزنە ل وان هاتیەکر".
پارێزەرێن سزادایێن بەهدینان ئاماژە ب وێیەکێ ژى کر، کو ب تنێ ب بڕیارا لێبورینا تایبەت یا سەرۆکێ هەرێمێ دەرفەت مایە ئەو سزادایى بهێنە ئازادکرن .
ئەو ژى دیار کر، توهمەتێن کارکرن دگەل کۆنسۆلخانەیان د بڕیارێ دا هاتیە سەراستکرن و نەهێلایە.
ژبەریا نها ژى لسەر پرسا دەستەسەرکرنا وان چالاکڤان و رۆژنامەڤانێن بەهدینان، هەر ئێک ژ کۆونسۆلخانەیێن ئەمریکا، بەریتانیا، ئەلمانیا، کەنەدا و فەرەنسا نەرازیبوون لسەر دەستەسەرکرنا وان دەربڕی و هەڤدەم، پشتەڤانیا خۆ بۆ ئازادیا رادەربرین و دەملدەست داخازا ئازادیا وان ژ زیندانێ کریە.
ئەڤە ژى د دەمەکى دایە، د ناڤەراستا مەها شوباتێ دا، ل دادگەها هەولێرێ دادگەها پێنج رۆژنامەڤان و چالاکڤانێن بەهدینان بڕێڤەچوو، کو تێدا لگورى هەردوو ماددەیێن ئێک هژمارە ٢١ یا سالا ٢٠٠٣ێ یا تایبەت ب بزاڤکرن بۆ تێکدانا ئاسایشا نەتەوەیی سزایێ شەش سالێن زیندانیکرنێ ب سەر پێنج دەستەسەرکریێن بەهدینان دا سەپاند.
ئەڤە ژى د دەمەکى دایە، نێزیکى حەفت مەهە چەند رۆژنامەڤان و چالاکڤانێن مەدەنى ل بەهدینان دەستەسەرکرینە، ل ١٦ێ مەها شۆباتێ یا ئەڤسالە ژى دا ل دادگەها تاوانێن هەولێرێ دادگەهکرنا پێنج ژ وان بڕێڤەچوو و تێدا دادگەهێ بڕیارا سزادانا شەش سالێن زیندانکرنێ بۆ هەر ئێک ژ وان هاتە دەرئێخستن.
هـ.ئـ
