فۆتۆ:
2021-06-27
471 جار خوێندراوەتەوە
د کۆنفرانسەکا رۆژنامەڤانى دا پارێزەرێن سزادایێن بەهدینان لسەر داویى بریارا دادگەهێ و تانەیێن وان راگەهاند، "ئەو سزایێ بسەر گرتیێن بەهدینان دا هاتیە جێبەجێکرن زولمەکا مەزنە ل وان هاتیەکر".
پارێزەرێن سزادایێن بەهدینان ئاماژە ب وێیەکێ ژى کر، کو ب تنێ ب بریارا لێبورینا تایبەت یا سەرۆکێ هەرێمێ دەرفەت مایە ئەو سزادایى بهێنە ئازادکرن .
ئەو ژى دیار کر، توهمەتێن کارکردن دگەل کونسلخانەیان د بریارێ دا هاتیە سەراتسکرن و نەهێلایە.
ژبەریا نها ژى لسەر پرسا دەستەسەرکرنا وان چالاکڤان و رۆژنامەڤانێن بەهدینان، هەر ئێک ژ کونسولخانەیێن ئەمریکا، بەریتانیا، ئەلمانیا، کەنەدا و فەرەنسا نەرازیبوون لسەر دەستەسەرکرنا وان دەربڕی و هەڤدەم، پشتەڤانیا خۆ بۆ ئازادیا رادەربرین و دەمل دەست ئازادیا وان زیندانیان دووپاتکریە.
ئەڤە ژى د دەمەکى دایە، ل ناڤەراستا مەها شوباتێ دا، ل دادگەها هەولێرێ دادگەها پێنج رۆژنامەڤان و چالاکڤانێن بەهدینان بڕێڤەچوو، کو تێدا لگورى هەردوو ماددەیێن ئێک هژمارە ٢١ یا سالا ٢٠٠٣ێ یا تایبەت ب بزاڤکرن بۆ تێکدانا ئاسایشا نەتەوەیی سزایێ شەش سالێن زیندانیکرنێ ب سەر دا سەپاند.
ئەڤە ژى د دەمەکى دایە، نێزیکى حەفت مەهە چەند رۆژنامەڤان و چالاکڤانێن مەدەنى ل بەهدینان دەستەسەرکرینە، ل ١٦ێ مەها شۆباتێ یا ئەڤسالە ژى دا ل دادگەها تاوانێن هەولێرێ دادگەهکرنا پێنج ژ وان ب ڕێڤەچوو و تێدا دادگەهێ بڕیارا سزادانا شەش سالێن زیندانکرنێ بۆ هەر ئێک ژ وان دەر کر.
د.ش