فۆتۆ:
2021-06-27
1668 جار خوێندراوەتەوە
ل گورەی ڕاگەهاندنەکا وەزارەتا دارایی، ئەڤرۆ ئێکشەمبی موچەیێ وەزارەتا پێشمەرگەی و لیوایان و هێزێن ٧٠ و ٨٠ و وەزارەتا دارایی ب لێبڕینا ٢١%ێ دێ هێتە پارڤەکرن.
وەزارەتا داراییا هەرێمێ د ڕاگەهاندنەکێ دا بەحسا وێیەکێ کر، "ب لێبڕینا ٢١%ێ ئەڤرۆ ئێکشەمبی موچەیێ وەزارەتا پێشمەرگەی و لیوایان دێ هێتە پارڤەکرن".
د ڕاگەهاندنێ دا ئەوژی دیارکریە، "رۆژا دوو شەمبێ موچەیێ هێزێن ٧٠ و ٨٠ و وەزارەتا دارایی ئابوری دێ هێتە پارڤەکرن".
دوهی، ژێدەرەکی ژ وەزارەتا دارایا هەرێمێ بۆ ئێن ئاڕ تی ڕاگەهاند، هەیا رۆژا پێنج شەمبی، تەڤاهیا وەزارەتێن حکومەتێ دێ موچەی وەرگرن، گوتژی، "ئەگەر ٢٠٠ ملیار ژ بەغدا بهێن مەها بهێت گوهڕانکاری دێ د لێبڕینا موچەی دا هێتە کرن".
رۆژا پێنج شەمبیا دەربازبووی، جوتیار عادل پەیڤدارێ حکومەتا هەرێمێ بۆ ئێن ئاڕ تی ڕاگەهاند، "ئەگەر داهات لبەر دەستێ مە هەبیت دێ موچەی ب بێ لیبڕین پارڤەکەین و مەژی پێ نەخۆشە لێبڕین د موچەیێ فەرمانبەران دا هەبیت".
ئەڤە ددەمەکدایە، موچە ب لێبڕینا ٢١% دهێتە پارڤەکرن کو بهایێ پەتڕۆلێ ب هەڤبەرکرن ب دوو سالێن دەربازبووی ب رەنگەکێ بەرچاڤ بلندبوویە و ٧٦ دۆلار دەربازکرینە.
حکومەتا هەرێما کوردستانێ بڕیاردابوو هەمی ٢٥ مەهەکێ موچە بهێتە پارڤەکرن، لێ مەها دەربازبووی پارڤەکرنا موچەی گیروبوو، لسەر وێیەکێ پەرلەمانتارێن پارتی و ئێکەتی بۆ نەڤەگەراندنا داهاتی و درەنگ پارڤەکرنا موچەی هەڤدوو توهمەتبار دکەن.
هـ.ئـ