فۆتۆ:
2021-06-27
430 جار خوێندراوەتەوە
بەشەک ژ ئاکنجیێن قەزا پێنجۆێن دەربارەى سەدەما خرابی و کێمیا دەمژمێرێن پێدانا کارەبێ و کێمیا دەرفەتا کارى بۆ گەنجان، خۆنیشاندان ئەنجام دا و رێکا سەرەکى یا دەرازینکا باشماخ داخست.
نووچەگەهانێ ئێن ئاڕ تى ئاماژە ب وێیەکێ کر، بەشەک ژ وەلاتیان خیڤەت دانانە و چوونە سەر رێکا سەرەکى و ئەو ژى گوتیە نووچەگەهانێ ئێن ئاڕ تى، "ژبەریا نها کارەبا ٢٤ دەمژمێرى هەبوو و لێ دنها دا کارەبایا وان کێمبوویە".
خۆنیشاندانێن قەزا پێنجۆێن ژ تەڤایا تەخ و چینان پێکهاتیە و ماموستایەکێ ئاینى ژى دبێژیت، "ئەم وەکى هەمى تەخ و چینەکێ هەمى کوردستانێ ئاگەهداردکەین کو نەخۆشیێن خەلکێ گەلەکن و پێنجوێن ژ گەلەک جهان باشترە و داخازا مە بتنێ کارەب نینە و پێدڤیە و چاڤێ خۆ ب دەنە تەڤایا سێکتەران".
هەڤدەم، وەلاتیەکێ ژى بۆ ئێن ئاڕ تى دیار ژى کر، "مە بتنێ کارب ژ حکومەتێ هەیە و رۆژ هەیە ٣ بۆ ٤ دەمژمێرێن کارەبێ د دەن"، دبێژیت ژى، کومەکا وەلاتیان خاست مۆلیدە بیننە باژێرى لێ ئەم د رازی نینن کو مۆلیدە بهێنە باژێرى".
وەلاتیەکێ دى ژى ئاماژە ب وێیەکێ کر، "ل دەرازینکا باشماخ پارەی د ئیننە دەر و لگورى وى داهاتى چ بۆ پێنجۆێن نەهاتیە مەزاختن و ١٠ سالە رێکا پێنجۆێن باشماخ نەهاتیە پاقژکرن، پێدڤیە لهەڤهاتنەکا کونکریتى دنافبەرا حکومەتا هەرێمێ و وەلاتیان دا بهێتەکرن و تێدا داخازیا وەلاتیان تێدا بهێتە جێبەجێکرن".
د.ش