فۆتۆ:
2021-06-27
346 جار خوێندراوەتەوە
پەیڤدارێ وەزارەتا کارەبا هەرێمێ ڕاگەهاند، دەمژمێرێن دانا کارەبێ ب وەلاتیان کێمبوویە و ئەڤە ژى ب سەدەما ژ کارکەفتنا دوو وێستگەهێن کارەبێ، دبێژیت ژى، "دنها دا رۆژانە ١٣ بۆ ١٤ دەمژمێران کارەبێ د دەنە وەلاتیان".
ئومێد ئەحمەد پەیڤدارێ وەزارەتا کارەبا حکومەتا هەرێمێ بۆ میدیایا پارتى بەحسکریە، بسەدەما ژ کارکەفتنا دوو وێستگەهێن کارەبێ ل هەولێر و سلێمانیێ، نێزیکى ٤٠٠ مێگاواتێن بەرهەمئینانا کارەبێ کێمکریە، ژبەر وێیەکێ دانا دەمژمێرێن کارەبا نیشتیمانى ب هەڤبەشێن کارەبێ کێمکریە.
پەیڤدارێ وەزارەتا کارەبا حکومەتا هەرێمێ ئاماژە ب وێیەکێ کر، "ژبەریا دروستبوونا ئاریشەیێ رۆژانە ١٨ بۆ ١٩ دەمژمێر کارەبا ددانە وەلاتیان، لێ پشتى دروستبوونا وێ ئاریشەیێ ل هەردوو وێستگەهێن هەولێر و سلێمانیێ، دەمژمێرێن پێدانا کارەبێ کێمبوونە، نها رۆژانە ١٣ بۆ ١٤ دەمژمێرێن کارەبێ ددەنە وەلاتیان".
دەربارەى چارەسەرکرنا وێ ئاریشەیێ ئومێد ئەحمەد ئەوژى دیار کر، چارەسەرکرنا ئاریشەیێ پێتڤی ب کۆژمەکێ مەزن یێ پاران هەیە، ژبەرکو هەردوو وێستگەهان پێدڤی ب ئەنجامدانا چاکسازیێ یە.
زێدەبارى سوزێن بەردەوامێن حکومەتا هەرێمێ بۆ چارەسەرکرنا کارەبێ و گۆهۆرینا بەشەکێ زۆر یێ کارەبا هەرێمێ بۆ پیڤەرێ زیرەک، لێ سالانە ل هەرێما کوردستانێ دگەل هاتنا وەرزێ هاڤینێ دەمژمێرێن دانا کارەبێ کێمبوونە.
د.ش