فۆتۆ:
2021-06-26
291 جار خوێندراوەتەوە
ئەڤرۆ تەقینەک ل باژێرێ عەفرینێ روویدایە و ب وی سەدەمی سێ کەسان ژیانا خۆ ژ دەستدا بریندار ژی هەنە.
نووچەگەهانێ ئێن ئاڕ تی ل رۆژئاڤایێ کوردستانێ دیارکر، ئەڤرۆ ل باژێرێ عەفرینێ یێ رۆژئاڤایێ کوردستانێ تڕومبێلەکا تی ئێن تی ل دوریانا کاوەیێ حەداد تەقیا، ب وی سەدەمی ژی سێ کەسان ژیانا خۆ ژ دەست دا.
ئاماژە ب وێیەکێ ژی کر، کو ژبلی سێ کەسێن ژیانا خۆ ژ دەستدای بریندار ژی هەنە و دناڤ واندا زارۆک ژی هەنە، لێ هەیا نها هژمارا برینداران ناهێتە زانین.
ئەڤ تەقینە ددەمەکیدایە، ددەمێن دەربازبوویدا دوو تەقینێن دی روویدابوون، ب سەدەمێ ئێک ژ وان تەقینان هژمارەکا سەربازێن روسیا بریندارببون.
هـ.ئـ