فۆتۆ:
2021-06-26
499 جار خوێندراوەتەوە
ئێک ژ زیندانیێن ناحیا شێلادزێ کو بەریا نێزیکی پێنج مەها ل مالا وی دا ل گومەلگەها سیریێ هاتبوو دەستەسەرکرن، دبێژیت، "ئەز ب حەفت سالا هاتیە زیندانیکرن".
نەعمان زەینەدین مامێ وی زیندانیێ بناڤێ قارەمان شوکری بو ئێن ئاڕ تی ڕاگەهاند، بەریا دوو روژا دەیکا قارەمانى سەرەدانا وی کربوو ل چاکسازیا زرکا ل پارێزگەها دهوکێ ئەوی گوتیە دەیکا خو، "کو ئەز ب حەفت سالا هاتیمە زیندانیکرن"، لێ هەیا نها کەس وکارێن وی ب فەرمی ل سەر وێ چەندێ نەهاتینە ئاگەهدارکرن کو هاتبیتە دادگەهـکرن و هەیا نها مە پارێزەر ژی ب فەرمی دەست نیشان نەکریە .
دەربارەی ئاخفتنێن قارەمانی مامێ وی ئەو چەندە ژی دیارکر، "ئەم چاڤەرێى تەلەفۆنا قارەمانی نینن کو مولەت دایێ هند روژا چەند خولەکەکان دگەل کەس و کارێن خو ب ئاخڤیت داکو وێ چەندێ بومە دیار بکەت چاوا ئەو بڕیار لسەر هاتیە سەپاندن بێ کو چ دادگەهەک پێ بهێتەکرن لەوما هەیا نها ژی بومە دووپات نەبوویە کا ئەو بریارە لسەر هاتیە سەپاندن یان نە.
قارەمان شوکری ئێک ژ روژنامەڤانێن ناحیا شێلادزێ بوویە وبەریا نها دگەل کەنالەکێ تەلڤزیونی وەکو پەیامنێر و وێنەگر کارکریە ل ٢٧ێ مەها کانوونا مەزن یائەڤسالە د مالا خودا ل کۆمەلگەها سیریێ ژئالیێ هێزێن ئەولەهیێ ڤە دهێتە دەستەسەرکرن.
د.ش