فۆتۆ:
2021-06-26
2567 جار خوێندراوەتەوە
وەزارەتا دارایی یا هەرێمێ ڕاگەهاند، "لسەر بڕیارا جڤاتا وەزیران ب لێبڕینا ٢١% سوبەهی ئێکشەمبێ موچەیێ وەزارەتا پێشمەرگە و لیوایان دێ هێتە پارڤەکرن".
د ڕاگەهاندنا وەزارەتا دارایی و ئابوریا حکومەتا هەرێمێ دا ئەوژی دیارکریە، "رۆژا دوو شەمبی موچەیێ هێزێن ٧٠ و ٨٠ و وەزارەتا دارایی و ئابوری دێ هێتە پارڤەکرن".
ئەڤرۆ ژێدەرەکی ژ وەزارەتا داراییا هەرێمێ بۆ ئێن ئاڕ تی ڕاگەهاند، هەیا رۆژا پێنج شەمبی، تەڤاهیا وەزارەتان دێ موچەی وەرگرن گوت ژی، "ئەگەر ٢٠٠ ملیار ژ بەغدا بهێن مەها بهێت دێ گۆهڕانکاری د لێبڕینا موچەی دا هێنە کرن".
رۆژا پێنج شەمبی ژی جوتیار عادل پەیڤدارێ حکومەتا هەرێمێ بۆ ئێن ئاڕ تی ڕاگەهاند، "ئەگەر داهات د دەستێ مەدا هەبیت دێ ب بێ لێبڕین موچەی پارڤەکەین و مە پێ نەخۆشە لێبڕین د موچەیێ فەرمانبەران دا هەبیت".
حکومەتا هەرێما کوردستانێ بڕیاردابوو هەمی ٢٥ مەهەکێ موچە بهێتە پارڤەکرن، لێ مەها دەربازبووی پارڤەکرنا موچەی گیروبوو، لسەر وێیەکێ پەرلەمانتارێن پارتی و ئێکەتی بۆ نەڤەگەراندنا داهاتی و درەنگ پارڤەکرنا موچەی هەڤدوو توهمەتبار دکەن.
دەما زێدەتر ژ دوو مەهانە، بودجەیێ عێراقێ پەسەندکریە، پشکا هەرێمێ ل بودجەیێ عێراقێ ب ١٢.٦٧% دیارکریە، د هەمبەردا، حکومەتا هەرێمێ پێگیرکریە ب ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل رادەستکرنا نیڤەک ژ داهاتێ دەرازینکێن سنورى، لێ د نها دا چ کۆژمەکێ پارەى ژ بەغدا نەهاتیە بۆ هەرێمێ.
هـ.ئـ