فۆتۆ:
2021-06-26
757 جار خوێندراوەتەوە
جێگرێ سەرۆکێ پەرلەمانێ عێراقێ، "هیڤی هەیە د چەند رۆژێن بهێت دا ٢٠٠ ملیار دینار بگەهنە هەرێما کوردستانێ".
بەشیر حەداد جێگرێ سەرۆکێ پەرلەمانێ عێراقێ بۆ میدیایێن پارتی ڕاگەهاند، "چەند جاران مە نڤیسیە و داخازکریە، کو یاسایا بودجێ بهێتە جێبەجێکرن، لێ کارێ لژنەیان و هویرکاری تەمام نەبووینە".
ئاماژە بوێیەکێ ژی کریە، "٢٠٠ ملیار دینار وەک سلفە نەکو بودجەیا هەرێما کوردستانێ، هیڤی هەیە د چەند رۆژێن بهێت دا بگەهنە هەرێما کوردستانێ ".
بەشیر حەداد ڕاگەهاند ژی، "چەند ئالیێن عێراقێ وەک موزایدە و بانگەشەکرن، دژی هنارتنا پارەی نە بۆ هەرێما کوردستانێ، بۆ وێیەکێ ئاریشێ بۆ حکومەتا عێراقێ دروستدبکەن".
رۆژا پێنج شەمبی، مستەفا کازمی سەرۆکوەزیرێن عێراقێ ڕاگەهاند، ئەو کۆژمێ پارەی بۆ هەرێما کوردستانێ دێ هێنە شاندن، سولفەیە نەکو بودجە و مەرەم ژێ ئەوە هەرێما کوردستانێ بکارن مووچەیێ فەرمانبەران بدەن،دبێژیت ژی، "لێ بزاڤەک هەیە ئەو پارەیە نەهێتە هنارتن".
رۆژا ١٥ێ ڤێ مەهێ، مەسرور بارزانى سەرۆکێ حکومەتا هەرێمێ ڕاگەهاند، دگەل بەغدا لهەڤهاتین بەشە بۆدجەیا هەرێمێ ڤەگەرینن.
١٢ێ مەهێ ژى، رێباز حەملان جێگرێ سەرۆک وەزیرێن هەرێما کوردستانێ بۆ کاروبارێن دارایی و وەبەرهینانێ ل تاوتوێیا ئێن ئاڕ تى دا ڕاگەهاند، "ئەگەر بەغدا پارەى ژى بهنێریت نکارین بێژین ١٠٠% لێبرینا موچەی دێ داوى پێ هێت"، دبێژیت ژى، "ب داهاتێ بەردەستێ مە و پارەیێ بەغدا دێ بڕیارێ ل سەر موچەی دەین ب بێ لێبرین".
دەما زێدەتر ژ دوو مەهانە، بودجەیێ عێراقێ پەسەندکریە، پشکا هەرێمێ ل بودجەیێ عێراقێ ب ١٢.٦٧% دیارکریە، د هەمبەردا، حکومەتا هەرێمێ پێگیرکریە ب ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل رادەستکرنا نیڤەک ژ داهاتێ دەرازینکێن سنورى، لێ د نها دا چ کۆژمەکێ پارەى ژ بەغدا نەهاتیە بۆ هەرێمێ.
هـ.ئـ