فۆتۆ:
2021-06-26
77 جار خوێندراوەتەوە
کۆنسۆلخانەیا ئەمریکا ل هەولێرێ ڕاگەهاند، "هێرشا شەڤا دەربازبووی یا لسەر هەولێرێ شەرمزاردکەین"، دبێژیت ژی، "هێرش ئاماژەیەکا روونە لسەر پێشیلکاریێ لهەمبەر سەروەریا عێراقێ".
کۆنسۆلخانەیا ئەمریکا ل هەولێرێ ل فەیسبووکا خۆ ڕاگەهاندنەک بەلاڤکر و تێدا هاتیە، "ئەمریکا وێ هێرشا شەڤا دەربازبوویا ب رێکا بالەفڕەکا بێ بالەفرڤان بۆ سەر هەرێما کوردستانێ ئەنجامدای شەرمزاردکەت".
بەحسا وێیەکێ ژی دکەت، "ئەڤ هێرشە ئاماژەیەکا روونە بۆ پێشیلکاریکرنێ لهەمبەر سەروەریا عێراقێ".
ژ ئالیێ خۆ ڤە ژی، ژێدەرەکی ژ هەڤپەیمانیا ناڤ دەولەتی تایبەت بۆ ئێن ئاڕ تی ڕاگەهاند، هێرشا لدرەنگیا شەڤا دەربازبووی یا هاتیە کرن بۆ سەر هەولێرێ هێرشەکا مووشەکی بوویە.
لگۆرەی زانیاریێن نووچەگەهانێ ئێن ئاڕ تی، شەڤا دەربازبووی دناڤبەرا دەمژمێر دوو بۆ سێی بەرێ سپێدێ، هێرشکرنە سەر گوندێ بلاغ یێ سەر ب پارێزگەها هەولێرێ ڤە، گوت ژێ، "ژبلی زیانێن مادی چ زیانیێن گیانی نەبووینە".
ل ١٨ی ڤێ مەهێ، شانەیا ئەولەکاریا عێراقێ دەست بسەرداگرتنا پێنج موشەک و سەکۆیێن وان دناڤا ترۆمبێلاندا ل پارێزگەها نەینەوا ڕاگەهاند، کو ئەو موشەکە بۆ ئاراستەیا هەرێما کوردستانێ دانابوون.
ل مەها تشرینا ئێکێ یا سالا دەربازبووی ژی، جڤاتا ئاسایشا هەرێمێ ڕاگەهاند، بالەفڕخانەیا ناڤدەولەتیا هەولێرێ ب شەش موشەکان کریە ئارمانج، کو ژ رۆژئاڤایێ پارێزگەها نەینەوا هاتبوونە ئاڕاستەکرن.
بەریا نها ژی، ئەو بارگەهێن سەربازی، کو هێزێن ئەمریکی ل عێراقێ تێدا جیگربوون رووبروویێ هێرشێن مووشەکی بووینە و د وێ دەربارێ ژی دا، واشنتن گرۆپ چەکدارێن نێزیکی ئیرانێ بەرپرسیار لسەر وان هێرشان دیارکرن.
و.ح