فۆتۆ:
2021-06-26
458 جار خوێندراوەتەوە
دوهی ل رۆژا ئەینی جارەکادی دەریێ پێشابیرێ ژ ئالیێ پەیەدێ ڤە ل پێشیا وەلاتیان هاتە گرتن و رێ ب وەلاتیان ناهێتە دان سەردانا باشورێ کوردستانێ بکەن بسەدەمێ بەلاڤکرنا جورەکێ فورمان.
نووچەگەهانێ ئێن ئاڕ تی دیارکر، دوهی ل رۆژا ئەینی، دەریێ پێشابیرێ ژ ئالیێ پەیەدێ ڤە هاتە گرتن بسەدەمێ وێیەکێ کو جورەکێ فورمان، ژ ئالیێ حکومەتا هەرێمێ ڤە ب وەلاتیان د هاتنە دان، ب گوتنا پەیەدێ، " ژ ئالیێ حکومەتا هەرێما کوردستانێ ڤە ئەڤ فورمە بۆ کارێ سیخۆریێ ب وەلاتیان هاتینە دان".
بەحسا وێیەکێ ژی کر، کو هەرکەسێ سەرەدانا باشورێ کوردستان بکەت پێتڤیە وێ فورمێ پڕ بکەت کو پێکهاتیە، ژ ناڤ و ناڤێ بابێ و باپیری و ناڤێ خێزان و باب و باپیرێ وێ ژی، ژمارا تەلەفونا وی کەسێ سەرەدانێ بۆ دکەت و هندەک زانیاریێن دی.
ڕێڤەبەرێ دەریێ پێشابیرێ یێ سنوری ژ ئالیێ رۆژئاڤای بۆ ئێن ئاڕ تی ڕاگەهاند، کو ل رۆژا دوو شەمبی دێ هاتن و چوون ئاسایی بیت و دێ رێ ب وەلاتیان هێتە دان هاتن و چوونێ بکەن.
ئاماژە ب وێیەکێ ژی کر، کو بەریا چەند رۆژان جارەکا دی دەریێ سنوری یێ پێشابیرێ هاتبوو گرتن و پشرا بۆ دەمێ چەند رۆژان هاتە ڤەکرن و دوهی جارەکادی ئەو دەریە هاتە گرتن.
هـ.ئـ