فۆتۆ:
2021-06-26
2932 جار خوێندراوەتەوە
ژێدەرەکی ژ وەزارەتا داراییا هەرێمێ بۆ ئێن ئاڕ تی ڕاگەهاند، هەیا رۆژا پێنجشەمبێ، هەمی وەزارەتێن حکومەتێ دێ مووچەی وەرگرن، دبیژیت ژی، "ئەگەر ٢٠٠ ملیار ژ بەغدا بهێن مەها داهاتی گوهۆرین دێ دلێبڕینا مووچەی دا هێنەکرن".
ئەڤرۆ شەمبیێ، هێرش قادر نووچەگەهانێ ئێن ئاڕ تی ل هەولێرێ ژ زارێ ژێدەرەکێ ژ وەزارەتا دارایی بەحسا وێیەکێ کر، دڤێ حەفتیێ دا و هەیا رۆژا پێنجشەمبێ، هەموو وەزارەتێن حکومەتا هەرێمێ دێ مووچەیێ وەرگرن و لیستا مووچەی ژی دێ ب زۆترین دەم هێتە ڕاگەهاند.
ئاماژە ب وێیەکێ ژی کر، حکومەتا هەرێمێ چاڤەرێ دکەت کۆژمێ ٢٠٠ ملیار دینارێن کو حکومەتا عێراقێ بڕیار لسەر دایە بگەهنە هەرێمێ بۆ وێیەکێ مەها داهاتی بتەمامی و بێ لێبڕین مووچەیێ فەرمانبەران پارڤە بکەت.
رۆژا پێنجشەمبێ ژی، جوتیار عادل پەیڤدارێ حکمەتا هەرێمێ بۆ ئێن ئاڕ تی ڕاگەهاند، "ئەگەر داهات لبەر دەستێ مەبیت بێ لێبڕین دێ مووچەی پارڤەکەین و مە پێ نەخۆشە لێبڕین د مووچەیێ فەرمانبەراندا نەبیت".
ئەو ژی د دەمەکێ دایە، حکومەتا هەرێما کوردستانی بڕیاردابوو هەمی مەهان ٢٥ی مەهێ مووچەی پارڤەبکەت، لێ مەها دەربازبووی مووچە پاشکەفت، لسەر وێیەکێ ژی پەرلەمانتارێن یەکێتی و پارتی ئێک و دوو لسەر نە زڤراندنا داهاتی و درەنگ پارڤەکرنا مووچەی ئێک و دوو تۆهمەتبارکرن.
و.ح