فۆتۆ:
2021-06-26
495 جار خوێندراوەتەوە
پەرلەمانێ کوردستانێ ڕاگەهاند، رۆژا دووشەمبێ دگەل حکومەتا هەرێمێ دێ جڤن و جڤین ژی دێ لسەر کۆرتئینانا مووچەی و داهاتێ پەترۆلێ و ناڤخۆ و چەند بابەتێن دی بیتن.
پەرلەمانێ کوردستانێ دڕاگەهاندنەکێ دا بەحسا وێیەکێ ژی کریە، دجڤینێ دا شەش تەوەر دێ هێنە بەحسکرن و خۆاندنا دووێ دێ بۆ پرۆژەیاسایا هەموارا یاسایا ماف و ئیمتریازاتێن خۆدان پێتڤیێن تایبەت بن، هەموارا یاسایا وەبەرئینانا پێشەسازی لکەرتێ تایبەت و تێکەلدا، هەڤدەم، خۆاندنا دووێ دێ بۆ یاسایا رەسمیا پۆلا عێراقێ هیتەکرن.
ئاماژە ب وێیەکێ ژی کر، تەوەرەکێ دی یێ بابەتی درێژکرنا ویلایەتا سەرۆکایەتیا دیوانا چاڤدێریا داراییا حکومەتا هەرێما کودرستامێ یە بۆ دەما چار سالان، کو ئەو ژی ژ رۆژا تەمامبوونا خۆلا ئێکێ دێ دەستپێکەتن.
دڕاگەهاندنێ دا بەحسا وێیەکێ ژی کریە، هەر دجڤینێ دا کێموکاسیێن خالێن سنوری و جێبەجێکرنا یاسایێ و چاکسازیێ و داهاتێ ناڤخۆی دگەل ئالیێن پەیوەندیدارێن حکومەتا هەرێما کوردستانێ ل پەرلەمانێ کوردستانێ دێ گۆتۆبێژکەن.
ئەو ژی د دەمەکی دایە، ٣٠ سال بسەر دەستهەلاتداریەتیا حکومەتا هەرێما کوردستانێ دا دەربازبوون، لێ هەیا نها ژی هەمان ئاریشا سالێن دەستپێکا دەستهەلاتا کوردی نەهاتیە چارەسەرکرن، کو پێکدهێن ژ ئاڤ، کارەبا، دەرفەتێن کاری و خزمەتگۆزاریێن دەستپێکی و بۆ دەما چەند سالانە ژی، حکومەتا هەرێمێ بناڤێ لێبڕین و پاشکەفتی مووچەیێ فەرمانبەران ب تەمامی پارڤەنەکریە.
و.ح