فۆتۆ:
2021-06-26
473 جار خوێندراوەتەوە
لگۆرەی زانیارێن نووچەگەهانێ ئێن ئاڕ تی، شەڤا دەربازبووی دناڤبەرا دەمژمێر دوو بۆ سێ، هێرشەکا مووشەکی کریە سەر گوندێ باغێ یا سەر ب پارێزگەها هەولێرێ ڤە، دبێژیت ژێ، "ژبلی زیانێن ماددی چ زیانێن گیانی نەبووینە".
هێرش قادر نووچەگەهانێ ئێن ئاڕ تی ژ زارێ شاهدحالەکێ بەحسا وێیەکێ کر، دەمژمێر دوو بۆ سێی شەڤا دەربازبووی چەند مووشەک ئاراستەی گوندێ بلاغ نێزیک ل هاڤینگەها پیرمام ل پارێزگها هەلێرێ کریە و هەیا نهاژی دەزگەهێن ئەولەکاریێ و ئالیێن پەیوەندیدار چ زانیاری لسەر بویەرێ بەلاڤنەکرنە.
لگۆرەی زانیاریان، مووشەک دناڤا ڤیلایەکا لسەر رێکا پیرمام کەفتیە خارێ و زیانێن مەزنێن ماددی بەر وێ مالێ و ترۆمبێلا خۆدانێ ڤیلایێ کەفتن، هەڤدەم، چچ زیانێن گیانی بسەدەما بویەرێ نەبووینە.
نووچەگەهانێ ئێن ئاڕ تی بەحسا وێیەکێ ژی کر، هەیا نها دەزگەهێن ئەولەکاریێ و ئالین پەیوەندیدار چ ڕاگەهاندن و زانیاری لسەر بویەرێ نەهاتنە بەلاڤکرن، چاڤەرێ دهێتە کرن پشتی تەمامبوونا ڤەکۆلینان زەلالکرنا پێتڤی بهێتە دان.
ل ١٨ی ڤێ مەهێ، شانەیا ئەولەکاریا عێراقێ دەست بسەرداگرتنا پێنج موشەک و سەکۆیێن وان دناڤا ترۆمبێلاندا ل پارێزگەها نەینەوا ڕاگەهاند، کو ئەو موشەکە بۆ ئاراستەیا هەرێما کوردستانێ دانابوون.
ل مەها تشرینا ئێکێ یا سالا دەربازبووی ژی، جڤاتا ئاسایشا هەرێمێ ڕاگەهاند، بالەفڕخانەیا ناڤدەولەتیا هەولێرێ ب شەش موشەکان کریە ئارمانج، کو ژ رۆژئاڤایێ پارێزگەها نەینەوا هاتبوونە ئاڕاستەکرن.
بەریا نها ژی، ئەو بارگەهێن سەربازی، کو هێزێن ئەمریکی ل عێراقێ تێدا جیگربوون رووبروویێ هێرشێن مووشەکی بووینە و د وێ دەربارێ ژی دا، واشنتن گرۆپ چەکدارێن نێزیکی ئیرانێ بەرپرسیار لسەر وان هێرشان دیارکرن.
و.ح