فۆتۆ:
2021-06-26
300 جار خوێندراوەتەوە
ل گۆرەی گوتنا ژێدەرەکی، بەرێ سپێدەهیا ئەڤرۆ نێزیک بانگێ سپێدێ دەنگەکێ بهێز ل باژارێ هەولێرێ و ب دیارکری لسەر رێکا هەولێر- پیرمام هاتە بهیستن.
ژێدەری بەحسا وێیەکێ ژی کر، موشەکەک ل وی جهی کەفتیە خارێ، لێ ئێن ئاڕ تی نەشیایە هەیا نها ژ ئالیەکی فەرمی ئەوی دەنگوی پشتراستبکەت.
هەڤدەم، هەیا نها ئالیێن فەرمی ژی چ زەلالکرن دەربارەی وی بابەتی نەدانە.
ل ١٨ی ڤێ مەهێ، شانەیا ئەولەکاریا عێراقێ دەست بسەرداگرتنا پێنج موشەک و سەکۆیێن وان دناڤا ترۆمبێلاندا ل پارێزگەها نەینەوا ڕاگەهاند، کو ئەو موشەکە بۆ ئاراستەیا هەرێما کوردستانێ دانابوون.
ل مەها تشرینا ئێکێ یا سالا دەربازبووی ژی، جڤاتا ئاسایشا هەرێمێ ڕاگەهاند، بالەفڕخانەیا ناڤدەولەتیا هەولێرێ ب شەش موشەکان کریە ئارمانج، کو ژ رۆژئاڤایێ پارێزگەها نەینەوا هاتبوونە ئاڕاستەکرن.
و.ح