فۆتۆ:
2021-06-25
105 جار خوێندراوەتەوە
بسەدەما زێدەبوونا کاریگەریا نزما پەستانا گەرمێ ژ سوباهى رۆژا شەمبیێ وێڤە پلەیێن گەرمێ ل هەرێمێ دێ بلندبن ل هەمبەرى رۆژێن دەربازبووى و رۆژا دووشەمبى و پێنجشەمبێ دهێتە پێشبینیکرن بلندترین پلەیێن گەرمێ بهێنە تۆمارکرن د ڤێ مەهێ دا.
ڕێڤەبەریا گشتى یا کەشناسى و ئەردهەژان یا هەرێما کوردستانێ دڕاگەهاندنەکێ دا دیار کر، بسەدەما زێدەبوونا کاریگەریا نزما پەستانا گەرمێا وەرزێ سالانە ژ سوباهى رۆژا شەمبیێ وێڤە پلەیێن گەرمێ دێ بلندبن ل هەمبەرى رۆژێن دەربازبووى.
ڕێڤەبەریا گشتى یا کەشناسى و ئەردهەژان ئاماژە ب وێیەکێ ژى کر، رۆژێن دووشەمب و پێنجشەمبێ دهێتە پێشبینیکرن بلندترین پلەیێن گەرمێ بهێنە تۆمارکرن د ڤێ مەهێ دا، کو دناڤبەرا ٤٤ بۆ ٤٩ێ پلەیێن سیلیزى دا بیت بۆ سەنتەرێ باژێران و دەڤەرێن گەرمیان.
دیار ژى کر، بلندتریمن پلەیا گەرمێ دێ هێتە تۆمارکرن ل دەمژمێر دووى نیڤرۆ هەیا دەمژمێر چارى ئێڤارى، گوت ژى، بلندترین پلەیێن گەرمێ یێن پێشبینى کرى بۆ باژێرێن باشورێ عێراقێ دێ ٥٠ پلەیێن سیلیزى و زێدەتر بیت.
ئەڤە د دەمەکی دایە، ل ناڤەڕاستا حەفتیا دەربازبووی ئاسۆ کەمال رێڤەبەرێ سەقاناسیا سلێمانیێ هایداری ب وەلاتیان دا، لدەمێن نیڤرۆدا پلەیێن گەرمێ دێ گەلەک بلندبن و کاریگەریا نەرێنێ دێ لسەر ساخلەمیا وەلاتیان هەبیت، داخاز ژی کربوو، ژ دەمژمێر ١١ی بەریا نیڤرۆ هەیا کو دەمژمێر ٤ی ئێڤاری نەچنە دەرڤە.
د.ش