فۆتۆ:
2021-06-25
882 جار خوێندراوەتەوە
ژێدەرەکێ ژ وەزارەتا دارایی بۆ ئێن ئاڕ تی ڕاگەهاند، هەیا نها پارەیێ تەمام لبەردەستێ مەیە بۆ پارڤەکرنا مووچەیێ هەموو وەزارەتان و لدیڤ ئەوێ بریارا مە هەی هەیا رۆژا پێنجشەمبێ هەمی وەزارەت دێ مووچەی وەرگرن.
ئەڤرۆ ئەینی، ژێدەرەکی ژ وەزارەتا دارایی بۆ ئێن ئاڕ تی ڕاگەهاند، کومڤەکرنا داهاتی بۆ مووچەیێ ڤێ مەهێ تەمامبوویە و پارڤەکرنا مووچەی ژی دێ ب هەمان لیستا مەها دەربازبووی بیت و چ گوهۆرین بسەردا نەهاتنە.
لگۆرەی زانیاریێن نووچەگەهانێ ئێن ئاڕ تی، د ڤێ حەفتیێ دا مووچەیێ لیوایێن پێشمەرگەی و وەزارەتا دارایی و بەشەک ژ وەزارەتێن کو دخشتەیێ مووچەیێ مەها دەربازبوویدا ل پێشیێ بوون هێتە پارڤەکرن و هەر ل گۆرەی گوتنێن وی ژێدەری، چاڤەرێ دهێتەکرن هەییا رۆژا پێنج شەمبی مووچەیێ وەزارەتا پەروەردێ هێتە پارڤەکرن.
ئەڤە دەمەکی دایە، بۆ دەما چەند مەهانە حکومەتا هەرێما کوردستانێ بڕیاردایە کو هەمی ٢٥ی مەهان مووچەی ب لێبڕینا ٢١%ێ پارڤەبکەتن و مەهێن دەربازبووی ژی خشتەیێ هەمی وەزارەتان ئاشکرابوو، لێ بۆ ڤێ مەهێ هێشتا خشتەیێ پارڤەکرنا مووچەی نەهاتیە ئاشکراکرن.
و.ح