فۆتۆ:
2021-06-25
380 جار خوێندراوەتەوە
نێزیکی دەمژمێر ٢:٠٠ی پشتی نیڤرۆیا ئەڤرۆ جارەکا دی بالەفڕێن شەرکەرێن تورکیا سنورێ گوندێ مژێ ل قەزا ئامێدیێ بۆمبەبارانکرن و نها ژی بەردەوامە.
لگۆرەی زانیاریێن نووچەگەهانێ ئێن ئاڕ تی ل دەڤەرا ئامێدیێ، بالەفڕێن شەرکەرێن ئارتێشا تورکیا نێزیکی دەمژمێر ٢:٠٠ی پشتی نیڤرۆیا ئەڤرۆ سێ جاران سنورێ گوندێ مژێ ل قەزا ئامێدیێ ب دژواری بۆمبەبارانکرن و دەنگێ ئێک ژ وانا ژی گەلەکا بهێزبوو.
ئاماژە ب وێیەکێ ژی کر، نها ژی ژبەرکو هێرش بەردەوامە هێشتا چ زانیاری دەربارەی زیانان نەهاتنە ئاشکراکرن و ترسەکا زێدە کەتیە دلێ خەلکێ وێ دەڤەرێ بگشتی.
ئەڤە د دەمەکی دایە، دوهی ژی بالەفڕێن شەرکەرێن تورکیا نێزیکی ١٠ جاران سنورێ قەزا ئامێدیێ ب بهانەیا هەبوونا گەریلایێن پەکەکێ بۆمبەبارانکرن و دوێ بۆمبەبارانێ دا کو ل نێزیک گوندێ دێرەشێ و مژێ پرۆژەیەکێ بخۆدانکرنا پەزی بوو ئارامانج و زێدەتری ١٠٠ سەرێن پەزی مراربوون و برینداربوون.
نیهاد ئورەماری، ئامێدی
و.ح