فۆتۆ:
2021-06-25
698 جار خوێندراوەتەوە
پشتی ٢١ ئێک رۆژان ژ شەوتینا کەمپا شاریا ئەڤرۆ حکومەتا ئیماراتێ هەڤکاری گەهاندنە ئاوارەیێن زیان ڤێکەفتیێن وێ کەمپێ.
هەکار محەمەد ئەمین رێڤەبەرێ کەمپا شاریا بۆ ئێن ئاڕ تی ڕاگەهاند، ئەڤرۆ حکومەتا ئیماراتێ هەڤکاری گەهاندنە وان ئاواریێن کو ل کەمپا شاریا تۆشی شەوتینێ بووین و بێ جهـ و مال و پێتڤی ماین.
گوت ژێ، هەڤکاری پێکدهاتن جلوبەرگ و بەتەنی و ئامان و کەلوپەلێن خارنێ و هندەک تشتێن دی، کو بسەر هەموو وان خێزانان دا دهێنە پارڤەکرن و بەشێ هەموویان دکەت.
دەربارەی ئاڤاکرنا وی جهێ شەوتی ژی رێڤەبەرێ کەمپا شاریا گوت، نها دقوناغا داویێ دایە و لسەر ئەرکێ رێکخراوا خێرخوازیا بارزانی ل وی جهی چادر ناهێنە دانان و هەموو بووینە بلۆک و نها دقوناغا داویێ دایە.
ئەڤەددەمەکی دایە، ل ٤ی ڤێ مەهێ بسەدەما شورتەکێ کارەبێ ئاگر بەربوو کەمپا شاریا و زێدەتری ٣٠٠ چادرێن ئاوارەیان ب کەلوپەل و پێتڤی و پارەڤە شەوتین، ئاکنجیێن وی جهی ژی بتنێ گیانێ خۆ رزاگرکربوون و چ زیانێن گیانی نەبوون.
ئارام حسێن، دهۆک
و.ح