فۆتۆ:
2021-06-25
354 جار خوێندراوەتەوە
سپێدەهیا ئەڤرۆ لسەر جاددا سەرەکیا سیارەتیکا بۆ سەرسنکێ ل سنورێ ئامێدیێ بویەرەکا هاتن و چوونێ ژ جورێ لێکدان دناڤبەرا دوو ترۆمبێلاندا روویدا و شەش کەس برینداربوون.
نیهاد ئورەماری نووچەگەهانێ ئێن ئاڕ تی ژ زارێ ئەفسەرەکێ هاتن چوونا ئامێدیێ ڕاگەهاند، سپێدەهیا ئەڤرۆ ئەینی دەمژمێر ٩:٠٠ی سپێدێ لسەر جاددا سەرەکیا سیارەتیکا بۆ سەرسنکێ ل دەڤەرا ئامێدیێ بویەرەکا هاتن و چوونێ ژ جورێ لێکدان روویدا و شەش کەس برینداربوون.
ئاماژە ب وێیەکێ ژی کری، بریندار بۆ نەخۆشخانا هەوارهاتنێ ل دهۆکێ هاتنە ڤەگوهاستن و برینا دوو ژ وان دژوارە، هەڤدەم، گوت ژی، بویەر دناڤبەرا دوو ترۆمبێلێن ژ جورێ (سکودا کرێ و تۆیۆتا کامری کو تررۆمبێلا گەشتیاران بوویە) روویدایە.
بەحسا وێیەکێ ژی کر، دناڤا وان ترۆمبێلاندا چار زەلام و دوو ژن برینداربوونە و برینا چاران سڤکە و یا دوو ژ وان ژی گرانە.
ئەڤە د دەمەکی دایە، بویەرێن هاتن و چوونێ ل سنورێ پارێزگەها دهۆکێ رۆژ بۆ رۆژێ زێدەتر دبن و هەر ژبەر ڤێ یەکێ ژی هاتن و چوونا دهۆکێ بۆ دەما سێ رۆژانە دەست ب دانانا مەفرەزەیان کریە و دزەلالکرنەکێ ژی دا ڕاگەهاندبوو، مەرەم ژدانانا مەفرەزەیان لێ پێچینە دگەل وان شوفێرێن کو دبنە سەدەمێ دروستبوونا بوویەرێن دلتەزین.
و.ح
