فۆتۆ:
2021-06-24
373 جار خوێندراوەتەوە
پشتی شاسوار عەبدولواحید ڕاگەهاندی، بەنزین ئینایە و لیتر دێ ب ٥٠٠ دیناران فرۆشیت، ل بەشەک بەنزینخانەیێن هەولێر و دهۆکێ ژی بهایێ بەنزینێ داکەت.
ل وان بەنزین خانەیێن کو بهایێ بەنزینێ تێدا داکەتی، لیترا بەنزینێ بوویە ٦٢٥ دیناران هەیا ٦٤٠ دیناران.
ئەو ژی پشتی وێیەکێ دهێت، ئەڤرۆ سەرۆکێ ڤەلڤینا نەوەی نوێ ڕاگەهاند، کو ب رێکا کۆمەکا بازرگانان ب تانکەران بەنزین ئیناینە و لیترێ ب ٥٠٠ دیناران دفرۆشن.
شاسوار عەبدولواحید بەحسا وێیەکی ژی کر، ئەگەر سەرانەیێ وەرنەگرن دشێن لیترا بەنزینێ بکەنە ٥٠٠ بۆ ٥٥٠ دیناران، گوت ژی، چەند تەنکەرەکێن بەنزینێ ئینانە و ب ٥٠٠ دیناران ددەنە خەلکی و تحەدایا دەستهەلاتێ دکەن.
بەحسا وێیەکێ ژی کر، دگەل بەنزینخانەیێ ئاخفتنە کو ب رێکا وان بەنزینێ ب ئەرزانی بفرۆشن، لێ پەشیمان کرنە کو بەنزین برێکا وان بهێتە فرۆتن.
ئەو ژی د دەمەکی دایە، ١٩ی ڤێ مەهێ شاسوار عەبدولواحید سەرۆکێ ڤەلڤینا نەوەی نوێ ل فەیسبووکا خۆ بەلاڤکر، تحەدیا حکومەتێ دکەن و دەستهەلاتداران هایداردکەن، "ئەگەر ڕاست دکەن ئەو پارەیێ زێدە بۆ حزبان نینە، وی دەمی رێکێ بدەن ئەوان چەند بازرگان هەنە کو دگەل وان ئاخفتنە دشێن بەنزینێ بینن و لیترێ ب ٥٠٠ دیناران بفرۆشن".
و.ح