فۆتۆ:
2021-06-24
247 جار خوێندراوەتەوە
ئەڤرۆ لدەما ئەنجامدانا ئەزموونان سێ قوتابیێن قوتابخانەیا ئاکرێ یا تێکەل بسەدەما گەرمێ و نەبوونا ئامیرێن فێنککرنێ دناڤا هۆلا ئەزمووناندا بێ هۆشبوون.
سیروان زێباری ماموستایێ قوتابخانەیا ئاکرێ یا تێکەل بۆ ئێن ئاڕ تی ڕاگەهاند، ژبەركو وەكو پێتڤي كارەب نينە لەورا ژبەر گەرمێ ئەو ھەرسێ قوتابیە ژ ھۆش خۆ چوون، گوت ژی، ئەگەر ئەو ئاريشەيە نەھێتە چارەسەركرن حالەتێن بێ ھوشبوونێ دێ ل قوتابخانەیا وان زێدەتر بن ژبەركو سەقا گەلەک گەرمە.
گوت ژی، ئێک ژ وان قوتابیان قوتابیێ پۆلا دەهێ بوویە و بۆ نەخۆشخانێ هاتیە ڤەگۆهاستن و دوویێن دی ژی قوتابیێن پۆلا یازدێ بوون و هەر دناڤا قوتابخانەیێ دا چارەسەریا وان هاتیەکرن و ڤەگەریانە هۆلا ئەزموونان.
هەردەربارەی ڤی بابەتی كاروان زاهر رێڤەبەری پەروەردا ئاکرێ ژی بۆ ئێن ئاڕ تی ڕاگەهاند، هەیا ڕادەیەکێ باش ئامیرێن فێنککرنێ بۆ قوتابخانەیێن سنورێ وان هاتینە دابینکرن، لێ کارەب وەکو پێتڤی نینە بتایبەتی ژی لگوندا کو کارەبا مالیدەی ژی نینە.
ئەڤە د دەمەکی دایە، ل رۆژا سێشەمبیا دەربازبووی ئەزموونێن قوتابیێن هەموو پۆلان بتنێ پۆلێن داویێ نەبن دەست ب ئەنجامدانا ئەزموونانکرن، هەڤدەم.
هەڤدەم، لگۆرەی پێشبینێن سەقاناسیا حکومەتا هەرێمێ ژی ئەڤرۆ ل پارێزگەها دهۆکێ بلنترین پلا گەرمێ ٤٠ پلەیێن سیلیزی بوو.
شکێران زێباری، ئاکرێ
و.ح