فۆتۆ:
2021-06-24
248 جار خوێندراوەتەوە
تۆڕا مافێن مرۆڤی یا کوردستانێ ڕاگەهاند، دئەنجامێ تەقەیا ڕاستەوخۆیا زێرەڤانێن سنورێ ئیرانێ لسەر کۆمەکا کۆلبەرێن کورد ل دەڤەرا سنوریا هەورامان کۆلبەرەکێ کورد هاتە کوشتن و ئیکی دی ژی برینداربوو.
د ڕاگەهاندنەکێ دا، تۆڕا مافێن مرۆڤی یا کوردستانێ بەحسا وێیەکێ کر، کۆلبەرەکێ کورد بناڤێ فەهمین ڕۆستەم زادە خەلکێ دەڤەرا هەوارامانە، پشتی تەقەکرنا ڕاستەوخۆیا هێزێن سەر سنوری بریندار دبیت و ڤەدگۆهێزن بۆ نەخۆشخانا باژارێ مەریوان و پشترە بسەدەما دژواریا برینا وی ژیانا خۆ ژ دەستددەت، هەڤدەم کولبەرەکێ دی ژی برینداربوویە.
ل دەستپێکا ئەڤێ حەفتیێ ژی، چەند کۆلبەرێن دی یێن کورد بسەدەما تەقەیا ڕاستەوخۆیا هێزێن ئیرانێ و تورکیا ژیانا خۆ ژدەستدانە، ژ وانا ژی بەشیر ئەحمەد زادە ژیێ وی ٢٧ سالبوون و خەلکێ باژارێ پاوە و سەعدون ئەحمەد ژیێ وی ٢٧ سالی و خەلکێ بانە و عەزیز محەمەد زادە، ژیێ وی ٢٣ سالی و خەلکێ ماکۆ، کو بتەقەیا هێزێن سەرسنورێ تورکیا ژیانا خۆ ژ دەستدان.
سالا دەربازبووی ژی، بدەهان کۆلبەرێن کورد کو ب سەدەما ئاریشەیێن ئابووری نەچاربوون کۆلبەریێ بکەن، ل خالێن سنوری یێن ئیران و تورکیا دا بوونە ئارمانجا تەقەیێن هیزێن تورکیا و ئیرانێ و ژیانا خۆ ژ دەستدان.
و.ح