فۆتۆ:
2021-06-24
586 جار خوێندراوەتەوە
نووچەگەهانێ ئێن ئاڕ تی ڕاگەهاند، بەریا دەمەکی کێم بالەفڕین ئارتێشا تورکیا سنورێ گوندێ دێرەشی بۆمبەبارانکرن و پرۆژەیەکێ بخۆدانکرنا پەزی کەفتە بەر و نێزیکی ٢٠٠ سەرێن پەزی مراربوون.
نهیاد ئورەماری، نووچەگەهانێ ئێن ئاڕ تی ل دەڤەرا ئامێدیێ ڕاگەهاند، نێزیکی دەمژمێر چاری ئێڤاریا ئەڤرۆ بالەفڕێن شەرکەرێن تورکیا دوو جاران دەردورا گوندێ دێرەشێ کو چار تا پێنج کێلۆمەتران دوویری سەنتەرێ باژارێ ئامێدیێ یە بۆمبەبارانکرن.
گوت ژی، بۆمبەباران نێزیکی پرۆژەیەکێ بخۆدانکرنا پەزی بوویە و لگۆرەی زانیاریێن دەستپێکی نێزیکی ٢٠٠ سەرێن پەزی مراربووینە لێ گیانێ مرۆڤان ب سلامەتن، ئاگر ژی بەربوویە عەردی.
بەحسا وێیەکێ ژی کر، دنهادا هێزێن ئەولەکاریێ و خەلکێ دەڤەرێ دهەوارا وی شڤانی چووینە و دخوازن ئاگری ژی بڤەمرینن و کۆنترۆل بکەن.
ئەڤە د دەمەکی دایە، سەرێ سپێدەهیا ئەڤرۆ و هەیا نها زێدەتری ١٠ جاران بالەفڕێن شەرکەرێن تورکیا سنورێ دەڤەرا ئامێدیێ و بتایبەتی ژی گوندێ مژێ و نێزیکی جهێ ئاکنجیبوونێ ژی چار جاران بۆمبەبارانکرینە.
و.ح