فۆتۆ:
2021-06-24
97 جار خوێندراوەتەوە
ئەڤرۆ رۆژا پێنچشەمبی پارێزگەها دهۆکێ ب کۆژمێ زێدەتر ژ سێ ملیار و نیڤان هژمارەکا پرۆژان رەوانەی جێبەجێکرنێ کرن.
ڕۆپەلا فەرمى یا پارێزگەها دهۆکێ ڕاگەهاندیە، "حەفت پرۆژێن خزمەتگۆزاری ل سنورێ دەڤەرداریێن جۆدا یێن پارێزگەها دهۆکێ رەوانەیی جێبەجێکرنێ کرن و هەروەسا هژمارەکا دی پرۆژان دقۆناغا راگەهاندن و تەندەرکرنێدانە ل دەمەکێ نێزیک دێ چنە قۆناغا جێبەجێکرنێدا".
د وێ ڕاگەهاندنێ دا ئەو یەک ژى هاتیە، درۆستکرنا رێکێن ناڤخۆیی دگەل چێکرنا سۆلینان ل دەڤەرداریێن بەردەرەش، ئامێدى، سێمێل، کەلەک،زاویتە، باژێرڤانیا تەناهى، کومەلگەها کۆرا، باتێل، تاخێن دوبان و ئادار کو ب کوژمێ زێدەتر ژ سێ ملیار و نیڤان هاتینە رەوانەکرن ژ بۆ جێبەجێکرنێ.
ئەڤە د دەمەکى دایە، خەلکێ پارێزگەهێ چەندین جاران گازندەیا نەبوونا جاددە و ئاڤ و خزمەتگوزاریێن ژیانا رۆژانە دکەن کو مافێ وان یێ رەوایە بۆ بهێنە دروسترکن.
د.ش