فۆتۆ:
2021-06-24
76 جار خوێندراوەتەوە
لگورى زانیاریێن نووچەگەهانێ ئێن ئاڕ تى، دوو زارۆکێن ئاکنجیێن ناحیا شاوەیسى سەر ب باژێرێ هەولێرێ د حەوزەکا ئاڤێ دا ل گوندێ مەلا هۆمەر خەندقین.
موراد ئەحمەد نووچەگەهانێ ئێن ئاڕ تى گوت، پشتى کو دەمژمێر پێنجێ دوهى چارشەمبى، دوو زارۆک ژ مال دەرکەفتن، نە ڤەگەریانە بۆ مال و پاشى مالباتا وان دگەل هێزێن ئەولەهیێ، ب دویڤڕا گەریانە لێ نە دیتنە.
نووچەگەهانێ ئێن ئاڕ تى گوت، ئەڤرۆ ئەو دوو زارۆکە ل حەوزەکا گوندێ مەلا هۆمەر ل باژێرێ هەولێرێ ب خەندقى دیتینە، دبێژیت ژى، ئەو دوو زارۆکە جیرانێن ئێک بوون و ژیێ وان نەهـ و ١١ سال بوون، هەردوو ژ رەگەزێ نێربوون.
ڕاگەهاند ژى، دنها دا، تەرمێ وان رەوانەى نۆژداریا داد یا هەولێرێ کرینە و تیمێن بەلگە و تاوانان ڤەکولین ژ سەدەما ژیان ژدەست دانا وان دوو زارۆکان دەستپێکریە.
سالانە د دەما نێزیکبوونا وەرزێ گەرمێ، حالەتێن خەندقینێ ل چەم و دەریاچە و روویباران ل هەرێما کوردستانێ زێدە دبن و د ئەڤسالە ژى دا چەندین حالەتێن خەندقینێ ل هەرێما کوردستانێ تۆمارکرینە، بەشەک ژ وان کەسێن خەندقن ب سەدەما نەزانینا مەلەڤانیانن.
د.ش