فۆتۆ:
2021-06-24
1194 جار خوێندراوەتەوە
پەیڤدارێ حکومەتا هەرێما کوردستانێ ڕاگەهاند، پابەندین ب پارڤەکرنا موچەی د ٣٠ رۆژان جارەکێ دا، دبێژیت ژى، "مە پلانەکا باش هەیە کو ئاست ژیارا خەلکێ باشتر بکەین".
جوتیار عادل پەیڤدارێ حکومەتا هەرێما کوردستانێ بۆ ئێن ئاڕ تى ڕاگەهاند، "وەک حکومەتا هەرێمێ ئەم پابەندین ب پارڤەکرنا موچەی د ٣٠ رۆژان جارەکێ دا"، دبێژیت ژى، "حکومەتا هەێمێ ب نەچارى موچەی ب لێبڕین پارڤەدکەت".
ئاماژە ب وێیەکێ ژى کر، "مە پلانەکا باش هەیە کو ئاستێ ژیارا خەلکێ باشتر بکەین"، دبێژیت ژى، "ئەگەر رەوشا دارایی باشبیت دێ موچەی ب بێ لێبڕین پارڤەکەین".
پەیڤدارێ حکومەتا هەرێما کوردستانێ ڕاگەهاند ژى، "د ڤان چەند رۆژان دا وەزارەتا دارایی لیستا موچەی دێ ڕاگەهینیت".
بەحسا وێیەکێ ژى کر، هیڤیدارم هەرێما کوردستانێ ژ ڤێ قەیرانا نها رزگاربیت، موچەی ب تەڤایی پارڤەبکەین و خزمەتگوزارى بەردەوام بن".
جوتیار عادل گوت ژى، ب رێکا پڕۆژەکى دێ بەرسڤا پرسیارێن وەلاتیان دەین و وەلاتى دشێن پرسیاران ئاراستەى مە بکەن و ئەم بەرسڤێ لسەر بدەین.
ئەڤە ژى د دەمەکى دایە، دنها دا داهاتێ دەرازینکێن سنورى زێدەبوویە و بهایێ پەتڕۆلێ و دۆلار بلند بوویە ب ئاوایەکى داهاتێ مەهانە یێ حکومەتێ زێدەترە ژ ملیارەک و ٢٠٠ ملیۆن دۆلار کو ئەو ژى زێدەترە ژ موچەیێ مەهەکێ یێ تەڤایا موچەخۆران بێی لێبڕین، لێ حکومەتا هەرێمێ هەر بەردەوامە لسەر لێبڕینا موچەی،
د دەما دەربازبووى ژى دا، چەندین جاران فڕاکسیۆنێن ئۆپۆزیسیۆنێ داخازکریە حکومەتا هەرێمێ بچیتە پەرلەمانێ کوردستانێ و زەلالکرنێ بدەت ل سەر وى داهاتێ ل بەر دەستێ وان.
د.ش