فۆتۆ:
2021-06-24
1034 جار خوێندراوەتەوە
بەنزین ل بەشەک ژ بەنزینخانەیێن پارێزگەها دهۆکێ داکەت و بهایێ ئێک لیترا بەنزینا نۆرمال ب ٦٦٠ دیناران دهێتە فڕۆتن.
نوینەرێ کۆمپانیەکا فرۆتنا بەنزینێ بۆ ئێن ئاڕ تى ڕاگەهاند، "بەنزین ل دەڤ مە ب ٦٦٠ دینارایە و هەر کەسێ کۆ ژ ڤی بهای ئەرزانتر بینیت ئەم ئامادەینە ل گرۆپێن خۆ یێن کومپانیێ ئەرزاتر بفرۆشین بۆ بەرژەوەندیا خەلکى".
ئاماژە ب وێیەکێ ژى کر، بازار یێ ئازادە و د ئامادەنە بەنزینێ ب ٥٠٠ دیناران وەرگرن و ب فڕۆشن.
دەربارەى نە جێگریا بەنزینێ دیار ژى کر، "هندى بەنزین ب ٦٦٠ دیناران بهێت بهای بلند ناکەین، لێ ئەگەر بازار بوو بەنزینا ئیرانى کو زێدەتر ژ ٨٠% بەنزین ئیرانى یە هەردەما بەنزینا ئیرانى بهێت بهایێ وێ گران دبیت".
ئەڤە پشى وێیەکێ دهێت، ئەڤرۆ شاسوار عەبدولواحید سەرۆکێ ڤەلڤینا نەوەى نوێ د کۆنفرانسەکێ رۆژنامەڤانى دا دیارکر کو دێ بەنزینێ ب ٥٠٠ دیناران فرۆشنە وەلاتیان و ئەو پرۆسەیە بەردەوامە.
ئەڤە ددەمەکیدایە دەمەکە، بهایێ پەنزینێ ب رەنگەکێ بەرچاڤ ل هەرێمێ بلندبوویە کو قوناغ ب قوناغ ئەڤ بلندبوونە روویدا.
ب رەنگەکی، د دەمێن دەربازبوویدا بهایێ لترەکا پەنزینێ ژ جورێ نۆرمال دناڤبەرا ٤٥٠ هەیا ٥٠٠ دیناران بوو، لێ نها بهایێ ئێک لترا پەنزینێ ژ جورێ نۆرمال بۆ ٧٥٠ دیناران بلندبوویە.
د.ش