فۆتۆ:
2021-06-24
180 جار خوێندراوەتەوە
ئەمیندارێ گشتى یێ یەکگرتوو یا ئیسلامی یا کوردستانێ ڕاگەهاند، شکەستنا حکومرانیا دەڤەرێ بوویە سەدەما بلندبوونا رێژەیا بێکاریێ دناڤ گەنج و لاوان دا.
سەلاحەدین بەهادین ئەمیندارێ گشتى یێ یەکگرتوو یا ئیسلامی یا کوردستانێ د دیدارەکێ دا دگەل بەشەک ژ کادرێن حزبا خۆ ل باژێرێ هەولێرێ، بەحسا خرابیا رەوشا ژین و ژیارا وەلاتیان و بێکاریا گەنج و لاوان کر و ڕاگەهاند ژى، "شکەستنا حکومرانیا دەڤەرێ یە کو بوویە سەدەما بلندبوونا رێژەیا بێکاریێ ب تایبەت د ناڤ چینا گەنج و لاوان دا".
ئەمیندارێ گشتى یێ یەکگرتوو، "بەحس ل رەوشا جڤاکى و پەروەردەیی کر و تەکەز لسەر پەروەردا تاک و چاکسازیا جڤاکى کر".
ئەڤە ژى د دەمەکى دایە، ٣٠ سال ب سەر دەسهەلاتداریا حکومەتا هەرێما کوردستانێ دەربازدبن، لێ هەیا نها هەمان ئاریشێن سالێن دەستپێکێ یێن دەسهەلاتا کوردى نە و چارەسەرنەکرینە، کو خۆ ژ دابینکرنا ئاڤێ، کارەب، خزمەتگوزاریێن دەستپێکى دبینیت و دەما چەند سالەکە ژى حکومەت بناڤێ لێبڕین و پاشکەفتى موچەیێ فەرمانبەران ب تەڤایی پارڤەناکەن، ڤێ یەکێ ژى نەرازیبوونا ئالیێن ئۆرپۆزیسیۆنێ و وەلاتیان زێدەتر کرینە.