فۆتۆ:
2021-06-24
516 جار خوێندراوەتەوە
شاسوار عەبدولواحید سەرۆکێ ڤەلڤینا نەوەی نوێ د کۆنفڕانسەکێ رۆژنامەڤانیدا ڕاگەهاند، پارزینگەهێن ناڤخۆیی تەنا پەنزینێ کریە ٦٤٠ دۆلار د نهادا و بهایێ وێ بلندکریە.
ئەوژی دیارکریە، "ئەگەر پەنزین ژ دەرڤە بهێتە هاوردەکرن باج و پارەیێ زێدە ژێ دهێتە وەرگرتن ژ ئالیێ حکومەت و حزبێ ڤە".
شاسوار عەبدولواحید ڕاگەهاند ژی، "ل ئەردەکێ نیزیکی چاڤی لاند ب عەداد پەنزین ب ٥٠٠ دیناران دێ هێتە فرۆتن"، دبێژیت ژی، "دگەل پەنزینخانەیەکێ ئاخفتین لێ پەشێمانکرینە کو پەنزینێ ب رێیا وان بهێتە فرۆتن".
ئاماژە ب وێیەکێ کریە، هەمی پشکنین بۆ پەنزینێ هاتینە کرن و چ ئاریشە د کوالێتیا وێ دا نینن.
گوت ژی، "مە پێ باشە مە هەڤپەیمانی دگەل هێزێن دژی پارتی و ئێکەتیێ هەبیت"، گوتیەژی، "هیڤیدارم مەیدان بهێتە ئێکلاکرن ب رەنگەکی هێزێن پارتی و ئێکەتی و هەڤپەیمانیێن وان ل ئالیەکی و بەرەیێ دژی وان ژی ل ئالیەکێ دی بیت".
سەرۆکێ ڤەلڤینا نەوەی نوێ ڕاگەهاند ژی، "ئەگەر ئەم موزایدێ بکەین، هیڤیدارم سیاسیێن دی ژی وەکی مە موزایدێ بکەن و بهای ئەرزان بکەن".
ئەڤە ددەمەکیدایە دەمەکە، بهایێ پەنزینێ ب رەنگەکێ بەرچاڤ ل هەرێمێ بلندبوویە کو قوناغ ب قوناغ ئەڤ بلندبوونە روویدا.
ب رەنگەکی، د دەمێن دەربازبوویدا بهایێ لترەکا پەنزینێ ژ جورێ نۆرمال دناڤبەرا ٤٥٠ هەیا ٥٠٠ دیناران بوو، لێ نها بهایێ ئێک لترا پەنزینێ ژ جورێ نۆرمال بۆ ٧٥٠ دیناران بلندبوویە.
هـ.ئـ