فۆتۆ:
2021-06-24
117 جار خوێندراوەتەوە
پەیڤدارێ حکومەتا هەرێما کوردستانێ ڕاگەهاند، حکومەت پێگیرە ب پارڤەکرنا موچەی هەر ٣٠ رۆژان جارەکێ، دبێژیت ژی، "چاڤەرێی حکومەتا ناڤەندی دکەن بۆ وێیەکێ یاسایا بودجەی وەک خۆ بهێتە جێبەجێکرن".
جوتیار عادل پەیڤدارێ حکومەتا هەرێمێ بۆ میدیایێن پارتی بەحسا وێیەکێ کریە، "حکومەتا هەرێمێ موچەخۆران پشتراستدکەت کو هەر ٣٠ رۆژان جارەکێ دێ موچە هێتە پارڤەکرن و چاڤەڕێینە بەغدا یاسایا بودجەی جێبەجێبکەت"، دبێژیت ژی، "هیڤیدارین ژ حکومەتا عێراقێ، ئەو شایستێن کێم یێن دیارکری رەوانە بکەن".
دەربارەی هنارتنا ٢٠٠ ملیار دیناران بۆ هەرێمێ، جوتیار عادل ئاماژە ب وێیەکێ ژی کریە، "شایستەیین دارایێن هەرێمێ، مافێ مەیە، کەس خێرا دگەل مە ناکەت، چاڤەرێینە بەغدا دەقێ یاسایا بودجێ عێراقێ جێبەجێ بکەت".
رۆژا ١٥ێ ڤێ مەهێ، مەسرور بارزانى سەرۆکێ حکومەتا هەرێمێ ڕاگەهاند، دگەل بەغدا لهەڤهاتین بەشە بۆدجەیا هەرێمێ ڤەگەرینن.
١٢ێ مەهێ ژى، رێباز حەملان جێگرێ سەرۆک وەزیرێن هەرێما کوردستانێ بۆ کاروبارێن دارایی و وەبەرهینانێ ل تاوتوێیا ئێن ئاڕ تى دا ڕاگەهاند، "ئەگەر بەغدا پارەى ژى بشینیت نەشێین بێژین ١٠٠% لێبرینا موچەی دێ داوى پێ هێت"، دبێژیت ژى، "داهاتێ بەردەستێ مە و پارەیێ بەغدا دێ بڕیارێ ل سەر موچەی دەین ب بێ لێبرین".
دەما زێدەتر ژ دوو مەهانە، بودجەیێ عێراقێ پەسەندکریە، پشکا هەرێمێ ل بودجەیێ عێراقێ ب ١٢.٦٧% دیارکریە، د هەمبەردا، حکومەتا هەرێمێ پابەندکریە ب ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل رادەستکرنا نیڤەک ژ داهاتێ دەرازینکێن سنورى، لێ د نها دا چ کۆژمەکێ پارەى ژ بەغدا نەهاتیە بۆ هەرێمێ.
هـ.ئـ