فۆتۆ:
2021-06-24
186 جار خوێندراوەتەوە
نوژدارێ تایبەت یێ عەلی خامنەیی ڕاگەهاند، د چەند رۆژێن بهێت دا خامنەیێ ئێکەم قورچا ڤاکسینێ "ئیران بەرەکەت"یێ دژی کۆرۆنایێ دێ وەرگریت کو چێکریێ ئیرانێیە، دبێژیت ژی، "ڤاکسینی کاریگەریەکا بەرچاڤ هەیە".
عەلی رەزا مەرەندی نوژدارێ تایبەتێ عەلی خامنەیی رابەرێ بلندێ ئیرانێ ئاماژە ب وێیەکی کریە، "خامنەیی دوو مەرج هەنە بۆ وەرگرتنا ڤاکسینی، ئێکەم پێتڤیە نوبەیا وی بیت و یێ ئامادە نینە ب رەنگەکێ تایبەت وەربگریت، دوو، پێتڤیە ڤاکسین چێکریێ ئیرانێ بیت نەیێ بیانی".
ئەوژی دیارکر، "دەمێ پێدانا فاکسینی بۆ کەسێن ژیێ وان زێدەتر ژ ٨٠ سالیێ هاتیە پەسەندکرن، خامنەیی ئامادەنەبوو ڤاکسینێ بیانی وەربگریت، بەلکو چاڤەرێ کر هەیا ڤاکسینێ ناڤخۆیی دهێتە دروستکرن".
ل دەستپێکا ئەڤسالە، ئیرانێ دەست ب دروستکرنا ڤاکسینی کریە و ژ ئالیێ عەلی خامنەیی، ناڤێ "کۆڤ ئیران بەرەکەت" بۆ دانا، هەڤدەم، د مەها دەربازبوویدا، حکومەتا ئیرانێ دەست ب پارڤەکرن و پێدانا قورچا ئێکێ یا ڤاکسینی ژ باژێرێ مەشهەد کر.
د ٩ی شوباتا ئەڤسالە دا، دەستهەلاتدارێن ئیرانێ دەست ب پێدانا هەردوو ڤاکسینێن "سپۆنتیک"ێ روسی و "سینۆفارم"ێ چینی کر، د هەمان دەم دا، عەلی خامنەیی رابەرێ بلندێ ئیرانێ هاوردەکرنا ڤاکسینێ فایزەرێ ئەمریکی و ئیسترازینیکا یێ ئۆکسفۆرد قەدەغەکر.
هـ.ئـ