فۆتۆ:
2021-06-23
277 جار خوێندراوەتەوە
رێکخراوا ئەمنستى یا ناڤدەولەتى ڕاگەهاند، د دەما سالەکێ دا ١٠٠ کەس ل بەهدینان هاتینە دەستەسەرکرن، دبێژیت ژى، ئاسایش و هەوالگیریا حکومەتا هەرێما کوردستانێ (هێزێن پاراستن، ئاژانسا هەوالگیریا پارتى دیموکراتى کوردستان) ب ئاوایەکێ هەڕەمەکى خەلک دەستەسەرکریە و تێدا شەش کەس بەرزەکرینە.
رێکخراوا لێبوورینا ناڤدەولەتى "ئەمنستى" راپۆرتا تایبەت یا خۆ دەربارەى دەستەسەرکریێن بادینان بەلاڤکر و تێدا ب هویرى رەوشا دەستەسەرکریا وان و ئازادیا رادەربرینێ ل هەرێما کوردستانێ دیار کر.
دەربارەى دەستەسەرکرنا خۆنیشاندەران د وێ ڕاپورتێ دا هاتیە، ب رێکا دەستەسەرکرنا هەڕەمەکى یا دەستەسەرکریان هەر ژ بەر وێیەکێ پێویستە ب زۆیترن دەم وان دەستەسەرکریان ئازاد بکەن.
هەروەسا، دەربارەى دەستەسەرکرن و بڕیاردانا سزادانا دەستەسەرکریێن بەهدینان ئاماژە ب وێیەکێ ژى کریە، ئەوێن کو ژبەریا نها سزاداین ل دادگەها نە دادپەروەرانە بسەدەما بەشداریکرنا وان ل خۆنیشاندانان یان ژى چالاکیێن گرێدایی ب خۆنیشاندانان ئەنجامدایە.
ل بەشەکا دى یا وێ ڕاپۆرتێ دا هاتیە، لگورى وان پارێزەر و کارمەندێن مافێ مرۆڤی کو ژ ئالیێ رێکخراوا لبێبورینا ناڤدەولەتى چاڤپێکەفتن دگەل دا کریە دناڤبەرا مەهێن ئادارا ٢٠٢٠ێ و نیسانا ٢٠٢١ێ، هێزێن ئەولەهیێ یێن کوردى بتنێ ل پارێزگەها دهۆکێ زێدەتر ژ ١٠٠ کەسان دەستەسەرکرینە.
دبێژیت ژى، دناڤبەرا مەها شوبات و ئادارا ٢٠٢١ێ، رێکخراوا لێبورینا ناڤدەولەتى کەیسا ١٤ کەسان ل بەهدینان هاتنە تۆمارکرن کو سێ رۆژنامەڤان و ١١ چالاکڤانێن سیاسی و جڤاکا سڤیل بوون، هەمى د مەهێن ئاب و تشرینا ئێکێ یا ٢٠٢٠ێ هاتنە دەستەسەرکرن، دیار بوویە، د هەمى کەیسان دا ئاسایش و هەوالگیریا حکومەتا هەرێما کوردستانێ (هێزێن پاراستن، ئاژانسا هەوالگیریا پارتى دیموکراتى کوردستان) ب ئاوایەکێ هەڕەمەکى خەلک دەستەسەرکریە و تێدا شەش کەس بەرزەکرینە.
ئەڤە د دەمەکى دایە، دوهى دەستەسەرکریەکێ دیێ بەهدینان بۆ دەمێ سالەکێ و ٢٤٠ هزار دینارێن عێراقى هاتیە سزادان.
ئومێد حاجی بەرۆشکی ل ٢٠ێ مەها ئابا سالا ٢٠٢٠ێ دگەل ٧٥ رۆژنامەڤان و چالاکڤانێن دی هاتیە دەستەسەرکرن وەک رۆژنامەڤان و چالاکڤان ل باژێرێ دهۆکێ کاردکر.
د.ش