فۆتۆ:
2021-06-23
267 جار خوێندراوەتەوە
سپێدەهیا ئەڤرۆ ڕۆژا چارشەمبی بۆ دەما چەند دەمژمێران دەرازینکا سنورى یا سێمالکا هاتیە داخستن و ل دەمژمێر ١٢ێ نیڤرۆ هاتە ڤەکرن.
وەحید سندى نووچەگەهانێ ئێن ئاڕ تى ل زاخۆ دیار کر، دەرازینکا سنورى یا دناڤبەرا باشور و ڕۆژئاڤایێ كوردستانێ دا بسەدەمەکا نەدیار بۆ دەما چەند دەمژمێران ھاتییە داخستن.
ژێدەرەكێ نە خاست ناڤێ خۆ ئاشکەرا بکەت بو ئێن ئاڕ تى ڕاگەهاند، " سپێدەهیا ئەڤرۆ هەیا دەمژمێر ١٢ێ نیڤرۆ دەرازینکا سنورى یا سێمالكا ھاتیە داخستن و ڕێك ب چ وەلاتى و چ كارێن بازرگانی ژی نەھاتیە دان کو ھاتن و چوون بھێتە كرن".
ل گورى زانیاریێن نوچەگەهانێ ئێن ئار تی، داخستنا ئەڤرۆ یا دەرازینکا سنورى یا سێمالکا ژ ئالیێ ھێزا خوەسەر ل ڕۆژئاڤایێ کوردستانێ بوویە و ئالیێ باشور چ كاریگەرییا خوە تێدا نەبوویە.
دەرازینکا سنورى یا سێمالکا تاکە دەرازینکە کو د ناڤبەرا هەرێمێ و ڕۆژئاڤایێ کوردستانێ دا و رۆژانه ب ڕێیا وێ چەندین وەلاتی کو پێدڤیا وان ب چارەسەریێن نۆژداری هەیە دەربازی هەرێمێ دبن، هەروەسا ب دەرگەهێ ژیانا ئابوری و مرۆڤی و پەیوەندیێن هەردوو ئالیان دهێتە دانان.
د.ش